Viðskipti innlent

Sigþór Jónsson ráðinn til Kviku í Bretlandi

Sunna Kristín Hilmarsdóttir skrifar
Sigþór Jónsson mun hefja störf hjá Kviku í Bretlandi í ágúst.
Sigþór Jónsson mun hefja störf hjá Kviku í Bretlandi í ágúst.
Sigþór Jónsson hefur verið ráðinn til starfa hjá Kviku Securities Ltd., dótturfélagi Kviku banka hf., í Bretlandi. Þetta kemur fram í tilkynningu frá bankanum.

Þar segir að Sigþór hafi á síðustu árum starfað sem framkvæmdastjóri Íslenskra verðbréfa hf., og þar áður sem framkvæmdastjóri Landsbréfa hf., en þar vann hann að uppbyggingu félaganna sem og fjölmargra verkefna á vegum þeirra.

Þá var Sigþór þar áður sjóðstjóri og forstöðumaður sérhæfðra fjárfestinga hjá Stefni hf.. Hann er með MSc. gráðu í fjármálum frá Háskóla og er nú að ljúka MBA námi hjá EADA Business School í Barcelona. Mun Sigþór koma til liðs við Kviku Securities í ágúst að námi loknu.






Fleiri fréttir

Sjá meira


×