Veiði

Hraunsfjörður að vakna til lífsins

Karl Lúðvíksson skrifar
Flott sjóbleikja úr Hraunsfirði.
Flott sjóbleikja úr Hraunsfirði. Mynd: Veiðikortið

Eitt af skemmtilegri veiðisvæðum á vesturlandi þar sem sjóbleikju má finna er eftir síðustu fréttum að dæma sannarlega að vakna til lífsins.

Hraunsfjörður er krefjandi veiðisvæði þar sem oft mikin fisk er að finna en sjóbleikjan getur verið ansi erfið í töku.  Það sem hefur verið að gefa vel síðustu daga hjá þeim veiðimönnum sem við höfum frétt af eru flugur eins og Langskeggur, Heimasætan í púpulíki, Héraeyra og flugur sem eru hnýttar til að líkja eftir marfló.  Þá hefur reynst vel að nota þyngdar flugur og veiða frekar djúpt.

Það ser svolítið sérstakt með Hraunsfjörð að hann virðist koma mun fyrr inn en mörg önnur veiðisvæði og það sem veiðimenn sækja í á þessu svæði er falleg sjóbleikja sem í vatnið gengur.  Algeng stærð á bleikjunni er 2-3 pund og er hún eftir því sem við höfum frétt afar vel haldin en eins og sælkerar þekkja er sjóbleikja klárlega einn besti laxfiskurinn til að matreiða.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.