Veiði

Ein af flugunum sem ekki má gleyma

Karl Lúðvíksson skrifar
Black Zulu
Black Zulu

Þrátt fyrir heldur kaldann maímánuð eru veiðimenn að taka ágætlega við sér og nota skástu dagana til að sjá hvort vötnin um land allt séu að komast í gang.

Það sem fylgir undirbúninginum fyrir veiðitúrinn er að skoða í boxinn og sjá hvað er til en margir hafa verið duglegir í vetur við að hnýta flugur og þá gjarnan þær sem hafa gefið best.  En það gleymist alltaf ein og ein fluga og þegar það koma fram flugur sem verða mjög vinsælar falla þær gömlu og góðu stundum í gleymsku.  Það eru margar veiðnar flugur sem kallast klassískar silungaflugur sem eru lítið notaðar í dag og þar má t.d. nefna Alder, Royal Coachman, Bloddy Buthcer og svo eina sem ég tel skyldu að eiga í boxinu.

Black Zulu er afskaplega einföld fluga.  Svartur búkur, svartur fjaðurvafningur, silfur oval tinsel og rautt stutt ullarskott.  Þessi fluga er nefnilega oft ansi veiðin hvort sem er í vötnum eða í ám og silungurinn virðist oft ansi sólgin í hana.  Hún veiðir líklegast best í stærðum 12-16# og hefur gefið undirrituðum ansi góða veiði í gegnum tíðina, þar á meðal eina bestu kvöldstund við Fljótaá fyrir mörgum árum þegar um 50 bleikjur tóku þessa flugu á einum eftirmiðdegi.  Af tveimur bestu gömlu flugunum sem veiðimenn eiga að vera með í sínu boxi myndi ég telja að við hliðina á Black Zulu eigi Peter Ross vel heima.  Finnst hún að vísu veiða best léttklædd og þegar hún er skott laus en það er kannski bara smekksatriði.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira