Golf

Simpson jafnaði vallarmetið og leiðir með fimm höggum

Ástrós Ýr Eggertsdóttir skrifar
Það lak allt ofan í hjá Simpson í gær
Það lak allt ofan í hjá Simpson í gær vísir/getty

Bandaríkjamaðurinn Webb Simpson jafnaði vallarmetið á Sawgrass vellinum þegar hann fór hringinn á 63 höggum á öðrum degi Players mótsins í golfi sem er hluti af PGA mótaröðinni. Hann leiðir mótið þegar keppni er hálfnuð.

Simpson er á fimmtán höggum undir pari eftir fyrri hringina tvo og er með fimm högga forystu á Patrick Cantlay, Charl Schwartzel og Danny Lee í öðru sætinu.




Tiger Woods komst í naumlega í gegnum niðurskurðinn á mótinu, niðurskurðarlínan var við eitt högg undir pari sem er skor Woods eftir tvo hringi. Hann fór hringinn í gær á 71 höggi, spilaði mjög stöðugt golf, fékk tvo fugla og einn skolla.

Það voru engin smá nöfn í ráshóp með Woods, þeir Phil Mickelson og Rickie Fowler spiluðu með Woods og voru þeir kallaðir „ofurhópurinn.“ Woods var þó sá eini af þeim þremur sem komst í gegnum niðurskurðinn.

Fowler, sem vann mótið 2015, lék einnig á 71 höggi í dag en þar sem hann fór fyrsta hringinn á 74 höggum endaði hann á einu höggi yfir pari og þarf að ljúka keppni. Mickelson átti hörmulegan dag á fimmtudag sem fór langt með að gera út um vonir hans og 73 högga hringur í gær tryggði það að hann hefði lokið keppni á samtals átta höggum yfir pari.




Norður-Írinn Rory McIlroy var að berjast við niðurskurðarlínunna á lokasprettinum í gærkvöld en endaði röngu megin við hana og mun ekki hefja leik í dag. Tvöfaldur skolli á 17. holu fór með vonir McIlroy en hann var á pari fyrir hana og því einu höggi undir pari samtals því hann fór fyrsta hring á 71 höggi. Hann náði ekki að vinna sér inn högg til baka á 18. braut og niðurstaðan samanlagt eitt högg yfir pari.

Bein útsending frá þriðja degi mótsins hefst á Golfstöðinni klukkan 18:00.


Tengdar fréttir

Tapaði Mickelson veðmáli?

Phil Mickelson gat ekkert á Players-meistaramótinu í gær en þrátt fyrir það er lítið talað um spilamennsku hans. Það eru allir að tala um klæðnaðinn sem hann var í.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira