Körfubolti

Martin maður leiksins í dramatískum sigri

Anton Ingi Leifsson skrifar
Martin í leik í Frakklandi.
Martin í leik í Frakklandi. vísir/getty
Martin Hermannsson var valinn maður leiksins er  Châlons-Reims vann þriggja stiga sigur, 87-84, á Bourg-en-Bresse í frönsku úrvalsdeildinni í körfubolta.

Châlons-Reims var fjórum stigum undir er rúm mínúta var eftir en náði að snúa leiknum sér í vil áður en leikurinn var allur.

Martin átti glæsilegan leik fyrir Châlons-Reims. Hann skoraði nítján stig og tók þar að auki sex fráköst og gaf sjö stoðsendingar. Hann var með nítján framlagspunkta. Magnaður.

Châlons-Reims er í fjórtánda sæti deildarinnar með 28 stig, sex stigum fyrir ofan fallsætin en stærri lið hafa borið víurnar í Martin undanfarna daga og vikur.




Fleiri fréttir

Sjá meira


×