Lífið

Jón Gnarr hættur á nikótíni: „Sef illa og fæ rugludrauma og martraðir“

Stefán Árni Pálsson skrifar
Jón er hættur að nota nikótín.
Jón er hættur að nota nikótín. Vísir/Ernir

„Þá er fyrsta vikan liðin í nikótínleysi. þetta hefur verið þyngri róður en ég átti von á. Fyrstu þrír sólarhringarnir voru erfiðastir og mestu líkamlegu fráhvörfin.“

Svona hefst stöðufærsla frá grínistanum Jóni Gnarr á Facebook en hann hefur verið á nikótíns í eina viku.

„Ég er töluvert ruglaðri en ég átti von á, bæði minnis- og einbeitingarlaus. Ég sef illa og fæ rugludrauma og martraðir. Ekki bætir úr skák að ég er líka illa haldinn af frjókornaofnæmi þannig að í raun líður mér eins og ég sé helsjúkur.“

Jón segist lítið hafa getið unnið síðustu daga.

„Vinnan mín er líka mjög nikótín tengd á allan hátt, bæði þegar ég skrifa og þegar ég leik. Ég lék í gærkvöldi í Þjóðleikhúsinu og ég held að það sé hreinlega í fyrsta skipti á ævinni sem ég leik án nikótíns.“

Þessi fyrrverandi borgarstjóri Reykjavíkur segist vera rosalega pirraður og með stuttan þráð þessa dagana.

„Sjálfsvorkunn circa 7/10. Eyði dögunum í vafstur hingað og þangað oft til fara eins og furðufugl. Fór í gær að skoða sjálfsprottið sitkagreni hjá HR og labbaði um umferðareyjur, klæddur eins og pípari sem hafði sloppið út af einhverju hæli, í vinnubuxum, sinnepsgulum íþróttaskóm og svo sparifrakka utanyfir.“

Jón segist ekki ætlar að byrja aftur.

„Ég er búinn að prófa þetta allt saman og þetta sökkar allt. Nikótín er bara hluti af boðefnabúskap líkama míns. Ég hef náttúrlega notað nikótín í miklu óhófi meirihluta ævinnar en kannski var ég líka sérstaklega útsettur fyrir þessu strax í upphafi. Þannig að þetta hefur bara sinn tíma.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.