Birkir og félagar einum leik frá úrvalsdeildarsæti

Aston Villa mætir Fulham í úrslitaleiknum um sæti í ensku úrvalseildinni á næstu leiktíð en Villa hafði betur í tveimur leikjum gegn Middlesbrough í undanúrslitunum, samanlagt 1-0.

Villa vann fyrri leik liðanna í undanúrslitaeinvíginu 1-0 á útivelli en niðurstaðan á Villa Park í kvöld var 0-0. Villa því áfram, 1-0.

Birkir Bjarnason byrjaði sem varamaður en kom inn á í uppbótartíma og hjálpaði Villa að sigla þessu í höfn.

Úrslitaleikurinn milli Fulham og Aston Villa verður spilaður aðra helgi, 26. maí, á Wembley. Sigurvegarinn fylgir Wolves og Cardiff upp í ensku úrvalsdeildina.