Veiði

Sjókvíaeldisfiski úthýst af matseðli veiðihúsa

Karl Lúðvíksson skrifar
Fiskur úr sjókvíaeldi verður ekki á matseðli neins veiðihðúss í sumar.
Fiskur úr sjókvíaeldi verður ekki á matseðli neins veiðihðúss í sumar.

Barátta veiðimanna gegn auknu sjókvíaeldi er farið að taka á sig ýmsar myndir og nú undanfarið hafa veiðihúsin tilkynnt að fiskur úr sjókvíaeldi verður ekki á boðsstólnum hjá þeim í sumar.

Þrátt fyrir að þessi aðgerð hafi ekki nein fjárhagsleg áhrif á laxeldisfyrirtækin er þetta fyrst og fremst táknrænt en einnig af þeirri ástæðu að viðskiptavinir veiðihúsanna hafa gert athugasemdir við að fá eldisfisk.  Sá laxfiskur sem veiðihúsin nota verður því eingöngu bleikja sem er alin í kerjum á landi.  Nú síðast var það SVFR sem sendi tilkynningu þess efnis að fiskur úr sjókvíaeldi verður ekki á matseðlinum í sumar, hér er tilkynningin frá félaginu:
"Líkt og margir veiðileyfasalar hafa tilkynnt nú að undanförnu vill Stangaveiðifélag Reykjavíkur taka það sérstaklega fram að það verður enginn sjókvíaeldisfiskur á boðstólnum í veiðihúsum á þeirra vegum. Undanfarin ár hefur slíkt ekki verið á boðstólnum í veiðihúsum SVFR, en í þeim tilfellum sem boðið er upp á eldisfisk, er það bleikja sem ræktuð er í landeldi.

Sjókvíaeldi getur haft gífurlega neikvæð og óafturkræf áhrif á laxastofna hér við land og líkt og aðrir veiðileyfasalar hafa gert, vill SVFR leggja sitt á vogaskálarnar með því að hafa ekki slíkan fisk á boðstólnum í sínum veiðihúsum."



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.