Veiði

Loksins tekur Elliðavatn við sér

Karl Lúðviksson skrifar
Mynd: Atli Bergman

Það hefur verið með eindæmum kalt þessa sumarbyrjun og vatnaveiðin aldrei komist í gang en það er vonandi að breytast.

Fréttir úr vötnunum á suður og vesturlandi hafa verið heldur rýrar upp á síðkastið nema þá helst af urriðaslóðum á Þingvöllum en þar hefur veiðin yfirleitt verið ágæt.  Síðan eru loksins að heyrast veiðitölur úr Elliðavatni en síðustu kvöld hafa gefið ágæta veiði hjá þeim sem nenna að standa vaktina til miðnættis.  Það er nefnilega best að veiða urriðann sem nú ræður í vatninu annað hvort fyrst á morgnana eða seint á kvöldin.

Við erum ekki að tala um neina mokveiði en 3-5 fiskar á duglega veiðimenn er ekki óalgengt og það sem meira er að þetta er fallegur 2-3 punda urriði í flestum tilfellum og inn á milli eru þeir stærri.  Við höfum þegar frétt af alla vega tveimur rígvænum sem veiddust Heiðmerkurmegin í gær og í fyrradag en það voru fiskar um 5-6 pund sem báðir tóku litlar Black Ghost hjá sama veiðimanninum og mjög seint um kvöldið.

 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.