Veiði

Opið hús hjá SVFR á föstudagskvöld

Karl Lúðvíksson skrifar

Nú er vatnaveiðin hafin um allt land og rétt tæpur mánuður í að laxveiðiárnar opni hver af annari svo það er fínn tími núna fyrir veiðimenn að hittast og fagna sumarkomu.

SVFR býður veiðimönnum til fagnaðar í Opnu húsi á föstudagskvöld við Rafstöðvarveg 14 á föstudagskvöld 4. maí og eins og venja er verður mikið að gerast á þessu kvöldi.  Sem fyrr verður dregið í Happahylnum og er mikið af glæsilegum vinningum í honum.  Nýkjörinn formaður félagsins Jón Þór Ólason heldur stutta tölu og fer yfir sína fimm uppáhaldsveiðistaði. Anna Þórunn Reynis, formaður Kvennanefndar, segir frá starfi nefndarinnar og veiðiferð sem heill hellingur af vöskum veiðikonum fóru í til Skotlands um helgina.  Veiðistaðalýsingar verða á Varmá og Eldvatnsbotnum en bæði svæðin eru með vinsælli sjóbirtingsveiðisvæðum félagsins.  Allir áhugamenn um veiði eru velkomnir en húsið opnar klukkan 19:00
 
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira