Veiði

Fín veiði á sjóbirtingsslóðum

Karl Lúðvíksson skrifar
Sjóbirtingsveiðin er búin að vera mjög góð allt tímabilið.
Sjóbirtingsveiðin er búin að vera mjög góð allt tímabilið.

Sjóbirtingsveiðin er líklega komin fram yfir besta tímann en veiðin á helstu sjóbirtingsslóðum er ennþá góð og hefur verið frá fyrsta degi.

Opnanir sem við höfum greint frá á helstu sjóbirtingsveiðisvæðum voru afbragðsgóðar og veiðin frá fyrsta degi verið góð.  Tungulækur, Tungufljót og Vatnamót hafa verið einstaklega gjöful og er þetta vor líklega eitt það allra besta á þessum slóðum.  Það hefur í gegnum árin orðið mikil vitundarvakning í að veiða og sleppa birtingnum aftur og það er ljóst að sú viðleitni á stórann þátt í því að stofninn hefur bæði verið stækka og fiskarnir að sama skapi.  Veiðin á sjóbirtingnum byrjar sem fyrr 1. apríl og stendur yfirleitt besti tíminn fram til loka maí en veður getur haft þar mikið að segja.  Nú þegar kuldatíðin er eins og hún er getur dregist að fiskurinn haldi til sjávar og miðað við þær fréttir sem hafa verið að berast af veiðislóðum á austurlandi virðist það vera raunin svo þeir sem eiga eftir að glíma við væna birtinga eiga ennþá góðann séns.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira