Viðskipti erlent

Færeyingar þurfa að bíða með að syngja olíulagið

Kristján Már Unnarsson skrifar
Borpallur á Skálafirði í Færeyjum haustið 2014. Hann kom inn til viðhalds í þjónustumiðstöðinni í Rúnavík.
Borpallur á Skálafirði í Færeyjum haustið 2014. Hann kom inn til viðhalds í þjónustumiðstöðinni í Rúnavík. Atlantic Supply Base/Eli Lassen.

Átján ára olíuleitarsögu Færeyja virðist lokið, að minnsta kosti um sinn, eftir að eina félagið, sem sótti um í síðasta útboði Færeyinga, dró umsókn sína til baka. Heyra mátti tóna úr „Oljan er her“, kunnu olíulagi frændþjóðarinnar, í fréttum Stöðvar 2. 

Við upphaf olíuleitarinnar um síðustu aldamót sungu Færeyingar í gríni að olían myndi gera þá alla að milljónamæringum. Enda höfðu Færeyingar ástæðu til bjartsýni; miklar olíulindir höfðu fundist Bretlandsmegin rétt við lögsögumörk Færeyja og alþjóðleg olíufélög voru tilbúin að verja gríðarlegum fjárhæðum til borana á landgrunni eyjanna.

Borpallurinn Cosl Pioneer boraði við Færeyjar sumarið 2012 á vegum Statoil og Exxon-Mobil. Borsvæðið var um 80 kílómetra suðaustur af eyjunum.

Til þessa hafa alls verið boraðar níu holur. Mest voru umsvifin þegar Statoil og ExxonMobil boruðu tvær holur á árunum 2012 til 2014 sem talið er að hafi kostað yfir fjörutíu milljarða króna. Hvorug holan skilaði tilætluðum árangri og hættu olíurisarnir þá frekari leit. 

Færeysk stjórnvöld töldu ekki fullreynt og efndu til nýs olíuleitarútboðs í fyrra. Þegar frestur rann út í febrúar hafði aðeins ein umsókn borist en nafn olíufélagsins var ekki gefið upp. 

Nú hefur Jarðfeingi, Orkustofnun þeirra Færeyinga, tilkynnt að þessi eina umsókn hafi verið dregin til baka. Jarðfeingi skýrir þennan dræma áhuga með því að olíuleit í heiminum hafi enn ekki náð sér á strik eftir olíukreppuna sem hófst með miklu verðfalli árið 2014.

Færeyska þjónustuskipið Sjóborg í höfninni í Rúnavík. Það annast flutninga til olíuborpalla. Mynd/Eli Lassen.

Þótt færeysk stjórnvöld segist stefna að því að bjóða olíuleitarfélögum að sækja um leyfi án sérstaks útboð, svokallaðar „opnar dyr”, virðist sem Færeyingar hafi ekki mikla trú á að slíkt skili árangri á næstunni. Þannig hafa þeir ákveðið að í ár verði í fyrsta sinn um langt skeið enginn færeyskur kynningarbás á hinum árlegu olíukaupstefnum í Stafangri og Aberdeen. 

Nýafstaðinn aðalfundur Olíusamtaka Færeyja minnti reyndar á að olíuþjónustuiðnaður Færeyinga væri vel samkeppnisfær á alþjóðamarkaði, samkvæmt frétt á oljan.fo. Þar njóta Færeyingar nálægðar við olíuvinnslusvæði Bretlands og Noregs. 

Hér má sjá frétt Stöðvar 2:


Tengdar fréttir

Ein hola stærsta verkefni í atvinnusögu Færeyja

Olíuborun sem er að hefjast í færeysku lögsögunni eftir tíu daga verður stærsta verkefni í atvinnusögu Færeyja til þessa. Mikil spenna ríkir meðal Færeyinga og ríkir bjartsýni um að nú hylli loksins undir að þeir verði olíuþjóð enda hefur aldrei verið lagt jafn mikið undir og nú. Áætlað er að borun einnar holu kosti yfir 20 milljarða króna og á verkið að taka fjóra til fimm mánuði,



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
1,8
6
20.349
MARL
1,32
4
79.593
HAGA
0,74
3
141.155
N1
0,41
5
190.896
EIK
0,26
3
34.958

Mesta lækkun dagsins


Félag
Br.%
Fjöldi
Velta*
GRND
-0,98
2
15.300
EIM
-0,73
4
23.410
SIMINN
0
4
20.348
SKEL
0
4
16.241
HEIMA
0
1
220
Velkomin á Vísi. Þessi vefur notar vafrakökur. Sjá nánar.