Sport

Lamdi kærustuna og kastaði hundinum þvert yfir stofuna

Henry Birgir Gunnarsson skrifar
Foster í búningi 49ers.
Foster í búningi 49ers. vísir/getty

NFL-leikmaðurinn Reuben Foster er í vondum málum eftir að hafa gengið í skrokk á unnustu sinni og þess utan farið illa með hundinn hennar.

Lögreglan kom á heimili þeirra í byrjun febrúar og þá var unnustan í mjög vondu standi. Í yfirlýsingu frá lögreglu kom fram að Foster hefði kýlt unnustuna, Elisa Ennis, átta til tíu sinnum í andlitið og svo dregið hana út úr húsinu á hárinu.

Í lögregluskýrslu kemur fram að Foster hafi brotið báða síma Ennis er hún reyndi að hringja í neyðarlínuna. Hann kastaði svo hundinum hennar þvert yfir stofuna en hundurinn slapp ómeiddur. Hann ógnaði Ennis þess utan með skotvopni.

Ennis hefur dregið ásakanir sínar í garð Foster til baka en saksóknaraembættið tekur lítið mark á því og er að keyra málið gegn Foster áfram af fullum krafti. Hann neitar sök í málinu.

Foster var valinn af San Francisco 49ers í nýliðavalinu árið 2017 og er enn á samningi hjá félaginu.

NFL


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.