Enski boltinn

United er búið að hengja verðmiða á Paul Pogba sem gæti farið í sumar

Tómas Þór Þórðarson skrifar
Pogba inni eða úti?
Pogba inni eða úti? vísir/getty
Ein stærsta spurningin á félagaskiptamarkaðnum í Evrópu í sumar verður hvort Paul Pogba yfirgefi Manchester United. Nafn hans er í blöðunum á hverjum degi á Bretlandi og er annað hvort á leiðinni burt eða sagður ekki vilja fara.

Daily Mail greinir frá því í morgun að Manchester United sé búið að hengja verðmiða á þennan öfluga franska miðjumann sem myndi þá gefa til kynna að það væri tilbúið að selja hann.

Hann mun kosta það lið sem vill kaupa litlar 140 milljónir punda en United keypti hann frá Juventus á 89,3 milljónir punda fyrir tveimur árum síðan. Gengi hans með United hefur verið upp og ofan en pressan mikil á þessum magnaða leikmanni.

Paris Saint-Germain er sagt hafa áhuga sem og Real Madrid en Mino Raiola, umboðsmaður Pogba, er búinn að bjóða PSG að kaupa leikmanninn, að því fram kom í Daily Mail fyrr í vikunni.

Sjálfur er Pogba sagður vilja halda áfram að spila fyrir Manchester United þrátt fyrir erfitt samband sitt við knattspyrnustjórann José Mourinho þessa dagana.

Pogba getur enn unnið titil með United á tímabilinu en liðið mætir Tottenham í undanúrslitum enska bikarsins um helgina.


Tengdar fréttir

Sjáðu mörkin sem kláruðu Bournemouth

Einn leikur fór fram í ensku úrvalsdeildinni í knattspyrnu í gærkvöldi þegar Manchester United sótti þrjú stig á Vitality völlinn í Bournemouth.

Þeir sem spiluðu illa gegn WBA fá ekki séns gegn Spurs

Þeir leikmenn sem stóðu sig ekki nógu vel í tapi Manchester United gegn West Bromwich Albion um helgina fá ekki að spila í undanúrslitum enska bikarsins. Þetta sagði Jose Mourinho, knattspyrnustjóri United.




Fleiri fréttir

Sjá meira


×