Innlent

Segir mikilvægt að menn séu ekki frelsissviptir án heimildar

Sylvía Hall skrifar
Sigríður Á. Andersen, dómsmálaráðherra.
Sigríður Á. Andersen, dómsmálaráðherra. VÍSIR/ANTON BRINK

Sigríður Á. Andersen, dómsmálaráðherra, hefur óskað eftir upplýsingum um ferli gæsluvarðhaldsheimilda í kjölfar máls Sindra Þórs Stefánssonar sem flúði af Sogni aðfaranótt þriðjudags. Hún segir lögin skýr þegar kemur að því að menn sitji ekki inni án dómsúrskurðar. Þáttinn í heild sinni má sjá í spilaranum hér að neðan.

„Lögin eru alveg skýr. Menn sitja auðvitað ekki í fangelsi, lausgæslu eða ekki, án þess að fyrir liggi dómsúrskurður. Það er alveg ljóst og það á enginn að velkjast í vafa um það, hvorki lögreglan né fangelsismálayfirvöld.“

Hún telur brýnt að skoða hvort það sé almennt verklag að menn sitji inni ef vafi er á hvort dómsúrskurður liggi fyrir og segir slíkt ekki ganga upp.

„Það liggur alveg fyrir hvernig lögin eru að þessu leyti“ sagði Sigríður og sagði frekar vera hægt að handtaka menn aftur ef þörf krefði, en ítrekaði þó að slíkar aðgerðir væru ekki léttvægar og sagði rök þurfa að liggja að baki handtöku. Mikilvægast væri þó að menn væru ekki frelsissviptir án heimildar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.