Veiði

Góð urriðaveiði í Þingvallavatni

Karl Lúðvíksson skrifar
Kristján Páll Rafnsson með vænan urriða af Kárastöðum.
Kristján Páll Rafnsson með vænan urriða af Kárastöðum. Mynd: Fish Partner

Það berast nú daglega góðar fréttir af urriðaveiði í Þingvallavatni og eins og venjulega eru að veiðast ansi vænir fiskar.

Það er nokkurn veginn sama hvar drepið er á dyr, öll svæðin virðast vera inni og einnig þjóðgarðurinn en veiðin þar hefur þó yfirleitt verið minni en þar er einhver breyting á.  Veiðimaður sem var þar fyrir tveimur dögum fékk átta væna urriða yfir daginn sem voru á milli 60-80 sm.  Þeir veiddust á ýmsar straumflugur og á hægsökkvandi línu.  Flesta fékk hann út af Lambhaga en þrjá á Pallinum.  Það virðist því vera að urriðinn sé nokkuð víða við þjóðgarðinn núna því við höfum frétt af fleirum sem hafa verið að fá væna urriða víða fyrir landi þjóðgarðsins.

Önnur svæði þar sem urriðinn heldur sig að mestu leiti virðast vera að gefa mjög vel og mest af veiðinni er vænn urriði en við höfum þó ekki frétt af neinum yfir 90 sm ennþá en þeir sjást reglulega engu að síður.  Veiðilegustu svæðin sem selt er inná eru svo til öll hjá Fish Partners og á ION svæðinu svo þeir sem vilja byrja sumarið með stæl ættu að skoða hvort það sé eitthvað laust hjá þessum aðilum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.