Veiði

350 urriðar komnir á land af Ion svæðinu

Karl Lúðvíksson skrifar
350 urriðar hafa veiðst á ION svæðinu á 10 dögum
350 urriðar hafa veiðst á ION svæðinu á 10 dögum Mynd: Iceland Outfitters

Urriðaveiðin í Þingvallavatni fer að nálgast hámarkið enda bera allar fréttir úr vatninu þau merki að urriðastofninn sé í góðum málum.

Ion svæðið er sem fyrr líklega það svæði sem gefur eina bestu veiðina en það skal ekki gera minna úr þeirri góðu veiði sem hefur verið á öðrum svæðum í vatninu eins og Kárastöðum, Svörtuklettum og Villingavatnsárós bara svo nokkur önnur séu nefnd.  Það eru tíu dagar síðan veiðin hófst á Ion svæðinu og er heildarveiðin komin í 350 fiska sem eru allt að 90 sm langir.  Agnið sem er að gefa fer eftir veðri og aðstæðum en bæði púpur og straumflugur virðast gefa til jafns.  Það er helst verið að nota straumflugur í erfiðum skilyrðum en skipt yfir í púpur þegar vel viðrar.  Urriðinn veiðist yfirleitt nokkuð vel fram í júní þegar mikið af honum leggst í dýpra vatn en það er samt alltaf einhvern fisk að finna á þessum svæðum allt sumarið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.