Veiði

Bleikjan farin að taka í Hraunsfirði

Karl Lúðvíksson skrifar
Falleg bleikja úr Hraunsfirði í fyrra.
Falleg bleikja úr Hraunsfirði í fyrra. Mynd: Bjarni Júlíusson

Hraunsfjörður er eitt af þessum veiðisvæðum sem margir bíða jafnan eftir að fari í gang á vorin og það er ein sérstaklega góð ástæða fyrir því.

Þarna getur verið mjög fín veiði á vænni sjóbleikju í Hraunsfirði og er hún líklega af öllum laxfiskum sú sem veiðimenn halda mest upp á að elda.  Vinsældir þessa svæðið eru klárlega sjóbleikjunni að þakka en þó það geti verið mikið af henni þarna er ekki þar með sagt að hún sé auðveidd frekar en nokkur annar laxfiskur.  Við höfum haft fregnir af einhverri bleikjuveiði á svæðinu síðustu daga, ekki nein mokveiði en þó nokkrir veiðimenn sem eru að fá eitthvað af bleikju.

Hún er feit, vel haldin og troðin af marfló svo það þarf að velja fluguna vel sem á að egna hana í töku.  Það sem gaf vel í fyrra voru flugur sem líktust marfló og þá gjarnan helst í litum sem voru grágænir.  Hraunsfjörður er hluti af Veiðikortinu svo það má alveg búast við því að handhafar kortsins noti jafnvel helgina í að bleyta færi og takast á við hraustar sjóbleikjur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.