Veiði

Henrik Mortensen snýr aftur með kastnámskeið

Karl Lúðvíksson skrifar
Henrik Mortensen er einn af bestu flugukastkennurum í heiminum í dag
Henrik Mortensen er einn af bestu flugukastkennurum í heiminum í dag

Nú fer að líða að því að Henrik Mortensen snúi aftur til landsins með flugukastnámskeiðin en margir Íslenskir veiðimenn hafa sótt námskeiðin hans hingað til.

Henrik Mortensen þekkja flestir íslenskir veiðimenn.  Henrik er flugukastkennari, hönnuður veiðitækja og hefur gefið út fjölda kennslu DVD diska og bóka um fluguköst. Henrik hefur starfað fyrir stærstu framleiðendur heims í veiðibúnaði og hannar nú fyrir sitt eigið merki, SALMOLOGIC, www.salmologic.is.

Kastnámskeiðin verða með sama sniði og áður en kennt verður í 4 klukkustundir.  Henrik mun útskýra fræðin á bakvið fluguköst og fluguveiði og mikilvægi þess að raða veiðigræjunum rétt saman.  Svo munu allir fá tilsögn. Það eru 3 kennarar á hverju námskeiði, Henrik Mortensen, Thomas Thaarup og Stefán Sigurðsson sem  aðstoða þátttakendur á námskeiðunum til þess að hámarka árangur hvers nemanda. Námskeiðin henta byrjendum sem lengra komnum og verður kennt í höfuðstöðvu SVFR við Rafstöðvarveg 14. Þeir sem hafa áhuga á að skella sér á námskeið hjá Henrik geta skoðað hvað er laust hjá www.ioveidileyfi.is eða í síma 855-2681
 

 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.