Formúla 1

Eru Honda vélarnar loksins farnar að skila árangri?

Bragi Þórðarson skrifar
Honda-vélarnar virðast vera að koma til.
Honda-vélarnar virðast vera að koma til. vísir/afp

Toro Rosso náðu frábærum úrslitum í Barein kappakstrinum um helgina og var fjórða sæti Pierre Gasly besti árangur Honda frá því vélarframleiðandinn snéri aftur í Formúlu 1.

Japanski vélarframleiðandinn kom aftur inn í Formúlu 1 árið 2015 með McLaren. Mikil spenna var
fyrir samstarfinu þar sem McLaren Honda unnu fjóra titla bílasmiða á árunum 1988 til 1991.

Samstarfið var hins vegar alger hörmung fyrir báða aðila í þetta skiptið og riftu McLaren samningnum
fyrir þetta tímabil sem kostaði enska liðið 71 milljón punda eða um einn milljarð íslenskra króna.

McLaren var viss um að bíll þeirra væri einn sá besti en að Honda vélin væri einfaldlega ekki nægilega
góð. Í ár gerðu Toro Rosso samning við Honda og lítur úr fyrir að það samstarf gangi mun betur.

Báðir bílar Toro Rosso náðu betri tíma en McLaren bílarnir í tímatökum í Barein um helgina og lítur
því út að japanski vélarframleiðandinn er loksins kominn á rétta braut í Formúlu 1.

Þó má ekki taka það af McLaren að ökumenn liðsins kláruðu keppnina í sjöunda og áttunda sæti og er aðalökumaður liðsins, Fernando Alonso, nú fjórði í mótinu.

Það eru þó bara tvær keppnir búnar af tímabilinu og eru Toro Rosso nú þegar búnir að skipta um eina
af þeim þremur vélum sem lið mega skipta um á hverju tímabili.

Það er því ljóst að liðið muni fá einhverjar refsingar seinna á tímabilinu, en slíkar refsingar voru mjög  algengar hjá McLaren síðastliðin ár.

Það verður því áhugavert að fylgjast með framförum Toro Rosso Honda í næstu keppni sem fer fram í
Kína um næstu helgi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.