Menning

Bjóða sumarið velkomið með sýningu

Gunnþóra Gunnarsdóttir skrifar
Rúna er ein af sjö manna stjórn Grósku.
Rúna er ein af sjö manna stjórn Grósku. frettablaðið/anton brink

Við viljum hvetja fólk til að göfga andann og gera sér glaðan dag með því að koma á sýninguna okkar í Gróskusalnum á Garðatorgi 1. Þar verður mikið um dýrðir,“ segir Rúna Tetzschner myndlistarkona. Þar á hún við sumarsýningu Grósku, samtaka myndlistarmanna í Garðabæ sem verður opnuð 18. apríl milli klukkan 20 og 23.

„Fjölbreytnin er jafn mikil og listamennirnir eru margir. Við vinnum í ýmsa miðla, flest erum við með málverk eða aðrar myndir en aðrir með skúlptúra,“ segir Rúna sem er ein af sjö í stjórn samtakanna. Hún segir listafólkið í Grósku annaðhvort búa í bænum eða hafa við hann önnur tengsl og gangast þar fyrir ýmsum viðburðum. Skyldu þeir vinna saman að myndlistinni líka?

Fyrir þessa sýningu erum við hvert í sínu lagi að undirbúa en við stöndum fyrir námskeiðum og þá erum við saman á þeim.“

Rúna tekur fram að Rakel Björk Björnsdóttir söngkona og Kristinn Þór Óskarsson gítarleikari verði með tónlistaratriði við opnunina og boðið verði upp á léttar veitingar. Sýningin verði svo opin áfram til 22. apríl.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira