Formúla 1

Vettel verður á ráspól í Kína

Eiríkur Stefán Ásgeirsson skrifar
Sebastian Vettel fagnar sigri í morgun.
Sebastian Vettel fagnar sigri í morgun. Vísir/Getty

Sebastian Vettel verður fremstur á ráspól þegar ræst verður í Kína í fyrramálið, þriðju keppni tímabilsins í Formúlu 1.

Vettel hefur unnið fyrstu tvær keppnir tímabilsins og því þegar kominn með þægilega sautján stiga forystu í stigakeppni ökuþóra. Vettel, sem ekur á Ferrari, náði besta tímanum í morgun í blálok tímatökunnar, rétt eins og í Barein um síðustu helgi.

Kimi Raikkönen, félagi Vettel hjá Ferrari, var í forystu þangað til og mátti sætta sig við að hafna í öðru sæti.

Mercedes lenti hins vegar í basli og náði ekki að halda í við Ferrari í morgun. Valtteri Bottas verður þriðji og heimsmeistarinn Lewis Hamilton fjórði. Hamilton þarf því að aka vel í keppninni á morgun til að gefa ekki enn frekar eftir í baráttunni við Vettel um heimsmeistaratitilinn - sem báðir hafa unnið fjórum sinnum á ferlinum.

Red Bull kom næst þar á eftir. Max Verstappen verður fimmti á ráspól og Daniel Ricciardo sjötti. Hér má sjá niðurstöðuna í tímatökunum á morgun.

Sýnt verður beint frá kappastrinum á Stöð 2 Sport klukkan 05.50 í fyrramálið.


Tengdar fréttir

Upphitun: Öll pressan komin á Hamilton

Sebastian Vettel vann fyrstu tvær keppnir ársins og skildi Lewis Hamilton eftir með sárt ennið. Mercedes virðist vera með hraðskreiðari bíl en Ferrari en nú þarf Hamilton að sýna það í verki um helgina.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.