Innlent

Eyrbekkingur nýr aðalvarðstjóri Lögreglunnar á Suðurlandi

Magnús Hlynur Hreiðarsson skrifar
Rannveig Brynja Sverrisdóttir, nýr aðalvarstjóri hjá Lögreglunni á Suðurlandi með aðsetur á Selfossi.
Rannveig Brynja Sverrisdóttir, nýr aðalvarstjóri hjá Lögreglunni á Suðurlandi með aðsetur á Selfossi. Vísir/Magnús Hlynur Hreiðarsson

„Nýja starfið leggst vel í mig,“ segir Rannveig Brynja Sverrisdóttir, sem hefur verið ráðin í stöðu aðalvarðstjóra hjá Lögreglunni á Suðurlandi úr hópi sjö umsækjenda. Rannveig var auk þess eina konan sem sótti um starfið.

„Það gengur út á að samræma og hafa yfirsýn yfir störf almennu deildar og heyrir starfið undir yfirlögregluþjóninn, Svein Kristján Rúnarsson. Þessi aðalvarðstjórastaða með starfstöð á Selfossi er ný en frá sameiningu embættanna hefur verið aðalvarðstjóri á Höfn í Hornafirði,“ segir Rannveig.

Rannveig Brynja er fyrsta konan til að starfa í yfirstjórn lögreglunnar í umdæminu. Hún hefur 15 ára starfsreynslu hjá lögreglu, þar af 9 ár sem varðstjóri með mannaforráð.

„Ég tek við starfinu 16. maí en hef undanfarið eitt og hálft ár unnið sem rannsóknarlögreglumaður í miðlægri deild Lögreglunnar á höfuðborgarsvæðinu. Ég ólst upp á Selfossi en hef undanfarin 34 ár verið búsett á Eyrarbakka,“ bætir Rannveig Brynja við.

Þá má geta þess að hún ber út Morgunblaðið á hverjum morgni á Eyrarbakka en það hefur hún gert í 20 ár. Þá er fjölskyldan með kindur og hesta á Eyrarbakka. Eiginmaður hennar vinnur sem fangavörður á Litla Hrauni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.