Fótbolti

Heimir: Ekki raunhæft að vinna titil á þessu ári

Anton Ingi Leifsson skrifar
Þessi frábæri og sigursæli þjálfari byrjar vel í Færeyjum.
Þessi frábæri og sigursæli þjálfari byrjar vel í Færeyjum. vísir/anton

Heimi Guðjónssyni líkar vel í Færeyjum og vildi kanna hvort að hugmyndafræði sín myndi virka annars staðar en á Íslandi. RÚV var í Færeyjum á dögunum og settist niður með knattspyrnuþjálfaranum Heimi sem er við störf þar í landi.

Heimir tók við HB í lok síðasta árs eftir að hafa sagt skilið við FH eftir tíu ára starf þar sem aðalþjálfari. Nú þjálfar hann eitt stærsta félagið í Færeyjum og líkar vel.

„Ég vildi prófa eitthvað nýtt. Ég var búinn að þjálfa FH í Pepsi-deildinni í tíu ár og aðstoðarþjálfari þar á undan. Mér fannst ágætt að prófa eitthvað nýtt og sjá hvort hugmyndarfræðin sem ég er með um fótbolta hvort það gæti ekki virkað einhversstaðar annars staðar en á Íslandi,” sagði Heimir í viðtali við RÚV.

„Boltinn hérna er grjótharður. Þeir eru svolítið í löngu boltunum og vinna seinni boltanna. Sterkir og kröftugir strákar. Það tekur tíma að kynnast þessu og spá hvernig maður á að bregðast við þegar maður er kominn í öðruvísi fótbolta. Það hefur gengið upp og ofan.”

HB hefur farið ljómandi vel af stað undir stjórn Heimis. Eftir tap í fyrsta leik liðsins hafa fylgt fjórir sigrar og eitt jafntefli og situr liðið í þriðja sæti deildarinnar.

„Kröfurnar eru fyrst og fremst að gera liðið betra. Ég held að menn átti sig á því að það er ekki raunhæft að vinna titil á þessu ári en það er raunhæft að búa til gott lið.”

Allt innslagið má sjá hér en þar er einnig rætt við Brynjar Hlöðversson, leikmann HB.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.