Erlent

Fyrrverandi forsetafrú Bandaríkjanna í líknandi meðferð

Margrét Helga Erlingsdóttir skrifar
Barbara Bush hefur ákveðið í samræmi við lækna að hefja líknandi meðferð sem miðar að því að bæta lífsgæði sjúklings eins og kostur er.
Barbara Bush hefur ákveðið í samræmi við lækna að hefja líknandi meðferð sem miðar að því að bæta lífsgæði sjúklings eins og kostur er.

Barbara Bush, eiginkona George W. Bush eldri, hefur ákveðið í samráði við lækna að hafna frekari læknismeðferð vegna veikinda sinna.

Heilsu Bush sem er 92 ára hefur hrakað mikið undanfarið og hefur hún þurft að verja miklum tíma inni á spítala vegna langvinnrar lungnateppu og hjartasjúkdóms. Í yfirlýsingu frá fjölskyldunni segir að forsetafrúin fyrrverandi hafi ákveðið að afþakka frekari læknismeðferð og þess í stað hefja líknandi meðferð sem miðar að því að bæta lífsgæðin eins og kostur er.

Að því er fram kemur á Huffington Post var Bush lögð inn á spítala með berkjubólgu í byrjun árs 2017.

Barbara og George Bush eldri gengu í hjónaband árið 1945 og eiga saman sex börn en þeirra á meðal er George W. Bush fyrrverandi forseti Bandaríkjanna.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.