Erlent

Tveir milljarðar í öryggisgæslu forstjóra

Kjartan Hreinn Njálsson skrifar
Mark Zuckerberg, stofnandi Face­book.
Mark Zuckerberg, stofnandi Face­book. Vísir/Getty

Stjórnendur Facebook segja að fyrirtækið hafi á síðustu árum greidd 20 milljónir Bandaríkjadala, sem nemur tæplega tveimur milljörðum íslenskra króna, í öryggisgæslu fyrir forstjórann og stofnandann Mark Zuckerberg.

Gripið var til þessara ráðstafana vegna hótana í garð Zuckerbergs. Þá greiddi Facebook fyrir öryggiskerfi á heimili hans í Kaliforníu og lífvörð sem fylgir hinum 33 ára gamla milljarðamæringi hvert skref.

„Við þurfum að haga öryggismálum okkar með þessum hætti vegna þess mikilvæga hlutverks sem hr. Zuckerberg gegnir hjá Facebook,“ sagði í yfirlýsingu Facebook til bandaríska verðbréfaeftirlitsins.

Þar segir einnig að árslaun Zucker­bergs séu enn einn Bandaríkjadalur, 98 krónur. Auðæfi hans liggja fyrst og fremst í verðbréfaeign í Facebook, en hlutur hans er metinn á um 70 milljarða Bandaríkjadala.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.