Sport

Svakalegar senur þegar að lærimeyjar Neville tryggðu sér sigurinn með flautukörfu

Tómas Þór Þórðarson skrifar
Grátið af gleði.
Grátið af gleði. vísir/getty

Netbolti er vinsæl íþrótt sem er aðallega spiluð af konum en þetta er svona korter í körfubolta þar sem ekkert spjald er fyrir ofan körfuna og hver leikmaður má aðeins halda á boltanum í þrjár sekúndur áður en að hann verður að gefa hann.

Þetta er ein stærsta greinin á Samveldisleikunum en Ástralía og Nýja-Sjáland hafa skipt á milli sín gullverðlaunum á leikunum frá því byrjað var að keppa í netbolta á Samveldisleikunum.

Það breyttist um helgina þegar að enska landsliðið tryggði sér sigurinn með vítaflautukörfu þegar að leiktíminn var liðinn en Netbolti er stór kvennagrein í Bretlandi.

Það fór ekkert á milli mála hvað sigurinn skipti ensku stelpurnar miklu máli en þær gjörsamlega misstu sig eftir leik og réðu vart við tilfinningar sínar. Engum datt í hug fyrir Samveldisleikana að hægt væri að stöðva þær áströlsku en annað kom á daginn.

Þjálfari enska liðsins er Tracey Neville, systir fótboltakappanna Gary og Phil Neville.

Síðustu sókn enska liðsins og fögnuðinn eftir leik má sjá í myndbandinu hér að neðan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.