Viðskipti innlent

Dvínandi Íslandsáhugi á Google gæti skilað sér í færri ferðamönnum

Kristín Ólafsdóttir skrifar
Samkvæmt tölum yfir brottfarir erlendra farþega frá Flugstöð Leifs Eiríkssonar árið 2017 varð 24,2 prósent aukning frá árinu á undan.
Samkvæmt tölum yfir brottfarir erlendra farþega frá Flugstöð Leifs Eiríkssonar árið 2017 varð 24,2 prósent aukning frá árinu á undan. Vísir/Stefán

Svo gæti farið að fjöldi ferðamanna sem heimsækja Íslands árið 2018 verði sambærilegur fjölda ferðamanna sem kom hingað til lands árið 2016, ef marka má rannsókn íslenska vefmarkaðsfyrirtækisins The Engine. Fjöldi ferðamanna fari því minnkandi í takt við dvínandi áhuga þeirra á Íslandi, samkvæmt gögnum úr Google-leitarvélinni.

Geta gögn úr leitarvélum spáð fyrir um ferðamannastraum?

Þór Matthíasson, auglýsingastjóri vefmarkaðsfyrirtækisins The Engine, birti gagnagreiningu á heimasíðu fyrirtækisins þann 13. apríl síðastliðinn.

Í greiningu Þórs var kannað hvort gögn frá leitarvélum gætu verið sannspá um ferðamannastraum til Íslands en áhugi á tilteknu fyrirbæri er oft mældur með því hversu oft það er slegið inn í leitarvélar á netinu. Þannig var lagt upp með að svara því hvort áhugi ferðamanna á Íslandi fari dvínandi og hvort að fækkun verði á ferðamönnum á Íslandi árið 2018 vegna þess.
 

Einblínt á frasann „flug til Íslands“

Áður en ferðamaður ákveður að koma til Íslands vinnur hann nefnilega ákveðna rannsóknarvinnu í gegnum leitarvélar eins og Google og Bing. Viðkomandi kynnir sér atriði á borð við veður á Íslandi, dagsferðir sem eru í boði og kennileiti sem vert er að skoða.

Sjá einnig: Hægðist mjög á fjölgun ferðamanna

Í greiningu Þórs var einblínt á frasann „flug til Íslands“ en hann þykir koma áhuga fólks á að ferðast hingað til lands einna best til skila.

Þá var einnig miðað við að þegar áhugi á ferðum til Íslands er skoðaður þarf að hafa í huga að farið er í ferðalagið sjálft nokkrum mánuðum eftir leitina. Þannig má sjá á gröfum sem fylgja greiningu Þórs að flestar leitir að frasanum „flugi til Íslands“ eru gerðar í janúar - en flestir ferðamenn koma til Íslands í ágúst.

Áhugi ferðamanna á ferðum hingað til lands var mældur með tíðni leita erlendis frá að flugi til Íslands. Mynd/The Engine

Þegar gröf yfir þessa þætti eru lögð saman má sjá ákveðna þróun en samkvæmt grafinu hér að ofan virðist áhugi á Íslandi og rauntölur yfir ferðamenn fylgjast að, þ.e. leit að flugum til Íslands skilar sér í ferðamönnum eftir tiltekinn tíma.

Ferðamannaárið 2018 gæti orðið svipað og 2016

Niðurstaða rannsóknarinnar er því sú að áhugi á að ferðast til Íslands, sem mældur er með leit að hugtakinu „flug til Íslands“, hefur sterka fylgni við eiginlegan ferðamannastraum til Íslands. Þá lítur enn fremur út fyrir, samkvæmt áðurtöldum gögnum, að ferðamannafjöldi árið 2018 geti orðið svipaður og árið 2016.

Þór segir þó að taka verði niðurstöðunum með nokkrum fyrirvara, um sé að ræða getgátur á þessu stigi málsins og þannig gerir rannsóknin ekki ráð fyrir fjölgun kínverskra ferðamanna til Íslands en þeir nota Google-leitarvélina lítið.

Þá er einnig horft á „eitt stórt meðaltal“ og ferðamenn fylgja ekki allir áðurnefndu mynstri, Bretar eru t.d. stór hluti af þeim sem leita að flugi til Íslands í janúar en koma flestir til Íslands í febrúar.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
4,36
82
1.091.920
ORIGO
2,25
2
3.481
REITIR
1,24
3
101.924
HEIMA
0,91
1
11
ARION
0,87
3
130.285

Mesta lækkun dagsins


Félag
Br.%
Fjöldi
Velta*
LEQ
-0,84
1
200
VIS
-0,71
2
2.480
MARL
-0,52
10
181.238
FESTI
-0,2
3
42.932
SKEL
0
1
500
Velkomin á Vísi. Þessi vefur notar vafrakökur. Sjá nánar.