Bíó og sjónvarp

Arftaki SKAM var óvænt frumsýndur um helgina

Kristín Ólafsdóttir skrifar
Myndirnar eru fengnar af Instagram-reikningum aðalpersónanna þriggja, Ellu, Susanne og Mats.
Myndirnar eru fengnar af Instagram-reikningum aðalpersónanna þriggja, Ellu, Susanne og Mats. Mynd/Samsett

Norska ríkissjónvarpið NRK frumsýndi óvænt nýja þáttaröð í anda norsku vefþáttaraðarinnar SKAM aðfararnótt sunnudags nú um helgina. Mikil leynd hvíldi yfir framleiðslu þáttanna sem sýndir eru á vef NRK P3.

Þáttaröðin SKAM kvaddi í fyrra á hátindi vinsælda sinna, og er áfallið aðdáendum þáttanna eflaust í fersku minni. Téðir aðdáendur geta hins vegar tekið gleði sína á ný en eins og áður sagði minnir hin nýja sería, sem ber heitið Blank, um margt á SKAM.

Sjá einnig: Þetta tekur við hjá stjörnunum í SKAM

Umfjöllunarefnið er, sem áður, norskir unglingar í Ósló, þó að persónurnar í Blank séu nokkuð eldri en Noora, Eva, Isak og félagar þeirra.

Aðalpersóna þáttanna er hin 19 ára Ella sem hefur nýlokið námi við VGS-framhaldsskólann í Ósló, að því er fram kemur á vef NRK. Í þáttunum er fylgst með lífi Ellu og bestu vinkonu hennar, Susanne, auk Mats, kærasta Ellu. Aðdáendur geta fylgt persónunum á Instagram, líkt og boðið var upp á í SKAM.


 
Finn 0 feil
A post shared by Ella Correia Midjo (@ellamidjo) on

Þá er hægt að fylgjast með gangi þáttanna á heimasíðu norska ríkisútvarpsins en þar eru auk þess birtar klippur, SMS-samskipti persónanna og fleira efni úr þáttunum. Þættirnir sjálfir koma svo út á sunnudögum.

Mikil leynd hvíldi yfir framleiðslu þáttanna, þeir hafa ekkert verið auglýstir, og kom útgáfa þeirra Norðmönnum í opna skjöldu, að því er fram kemur í umfjöllun NRK. Svipaður háttur var hafður á við framleiðslu SKAM á sínum tíma en aðstandendur þáttanna gáfu ekkert uppi um ferlið áður en þættirnir voru sýndir.

Þá var greint frá því á dögunum að önnur unglingasería í anda SKAM yrði frumsýnd á vef NRK. Sú ber heitið Lovleg og gerist, líkt og SKAM, í menntaskóla en að þessu sinni í afskekkta bænum Sandane í Noregi. Tökur á þeim hefjast í sumar.


Tengdar fréttir

Hittu leikarana úr Skam

Vilhjálmur og Katrín, hertogaynja af Cambrigde hittu að sjálfsögðu leikarana í vinsælasta þætti Norðmanna í ferð sinni til Osló.

SKAM stjarna í erótískum spennutrylli

Tarjei Sandvik Moe sem fór með hlutverk Isaks í norsku unglingaþáttunum SKAM mun heldur betur bregða sér í nýtt hlutverk í erótíska spennutryllinum "Ástarsamband"



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira