Erlent

Yfirlýsingar um heimkomu fáránlegar

Þórgnýr Einar Albertsson skrifar
Við landamæri Mjanmar og Bangladess.
Við landamæri Mjanmar og Bangladess. Vísir/epa

Yfirlýsing stjórnvalda í Mjanmar um að fimm manna Róhingjafjölskylda hafi snúið aftur heim til Rakhine-héraðs er fáránleg og farsi. Þetta sögðu stjórnvöld í Bangladess í gær, sögðu fjölskylduna raunar aldrei hafa yfirgefið Mjanmar yfirhöfuð.

Hundruð þúsunda Róhingjafjölskyldna hafa hins vegar flúið Mjanmar frá því í ágúst í fyrra. Flestir hafa flúið til Bangladess en mjanmarski herinn hefur verið sakaður um þjóðernishreinsanir, jafnvel þjóðarmorð á Róhingjum.

Ríkin tvö hafa komist að afar umdeildu samkomulagi um að senda flóttamennina heim aftur en slíkir flutningar eru ekki hafnir.

Að sögn Abul Kalam, sem fer með stjórn á málefnum flóttamanna í Bangladess, fór umrædd fjölskylda ekki lengra en að landamærasvæðinu sjálfu, sem tilheyrir Mjanmar. „Þess vegna er ekki hægt að tala um neina heimkomu. Bangladess á engan hlut að þessu máli,“ sagði Kalam við fréttastofu AP.


Tengdar fréttir

Róhingjar geti ekki snúið aftur til heimkynna sinna

Ursula Mueller, aðstoðarframkvæmdastjóri Sameinuðu þjóðanna á sviði mannúðarmála, segir stjórnvöld í Mjanmar ekki reiðubúin til að taka á móti flóttafólki úr þjóðflokki Róhingja.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.