Erlent

Fyrrum forseti Brasilíu ætlar að gefa sig fram

Sylvía Hall skrifar
Lula ávarpaði stuðningsmenn sína í dag þar sem hann tilkynnti þeim að hann myndi gefa sig fram.
Lula ávarpaði stuðningsmenn sína í dag þar sem hann tilkynnti þeim að hann myndi gefa sig fram. Vísir/Getty

Luis Inácio Lula da Silva, fyrrum forseti Brasilíu, hefur sagst ætla gefa sig fram til yfirvalda þar í landi eftir að hafa hlotið 12 ára dóm fyrir spillingu og mútuþægni. 

Forsetinn fyrrverandi hefur í tvígang áfrýjað handtökuskipunum á hendur sér til hæstaréttar, en hann heldur fram sakleysi sínu og segir málið vera pólitíska árás til að koma í veg fyrir framboð hans til forseta. Hann var fyrsti forsetinn af vinstri væng stjórnmálanna þar í landi í rúmlega hálfa öld og sat í því embætti á árunum 2003 til 2011. Hann þótti líklegur til sigurs í kosningunum í október.

Stuðningsmenn Lula komu saman í dag og minntust Marisa Leticia, eiginkonu hans en hún lést fyrir ári síðan. Hann ávarpaði stuðningsmenn sína og tilkynnti þeim að hann myndi gefa sig fram og hefja afplánun. Í ávarpi sínu sagðist koma stærri og sterkari til baka og hvatti stuðningsmenn sína til að halda áfram baráttu fyrir hugsjónum sínum.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.