Viðskipti erlent

Toppi Deutsche Bank sparkað

Stefán Ó. Jónsson skrifar
John Cryan er á útleið.
John Cryan er á útleið. Vísir/Getty

Deutsche Bank hefur rekið framkvæmdastjóra bankans, John Cryan, og tekur uppsögn hans strax gildi. Undirmaður hans, Christian Sewing, mun taka við stjórninni.

„Við þurfum nýtt andrúmsloft í framkvæmdastjórn fyrirtækisins,“ er haft eftir einum stjórnarmanna bankans á vef breska ríkisútvarpsins.

Tilkynningin kemur í kjölfar neyðarfundar sem boðað var til í gær og funduðu framámenn þessa stærsta lánveitanda Þýskalands fram á nótt.

Cryan tók við stjórnartaumunum í bankanum árið 2015 og hefur stjórnartíð hans markast af áföllum, hneykslum og síðast en ekki síst miklum fjárhagsörðugleikum. Ráðning hans var til fimm ára en var stytt um 2 ár í nótt, sem fyrr segir.

Þrátt fyrir uppsögnina fer Deutsche Bank fögrum orðum um fyrrverandi framkvæmdastjóra sinn. „Þó að stjórnartíð hans hafi verið stutt hefur John Cryan leikið mikilvægt hlutverk í næstum 150 ára sögu Deutsche Bank - og lagt grunninn að farsælli framtíð bankans,“ segir í stjórnarmaðurinn Paul Achleitner í samtali við fjölmiðla ytra.

Talið er að uppsögninni muni fylgja stefnubreyting hjá bankanum og ætla greinendur að Deutsche Bank fari nú að einbeita sér meira að viðskiptabankaþjónustu í heimamarkaði sínum, Þýskalandi.

Hlutabréfaverð í bankanum hefur fallið um 30 prósent á síðastliðnu ári. Talið er að uppgjör bankans í febrúar síðastliðnum, sem sýndi fram á tap upp á 60 milljarða króna á síðasta ári, hafi orðið til þess að ákveðið var að leita að eftirmanni Cryan. Bankinn tapaði 822 milljörðum króna árið 2015 og 181 milljarði árið eftir.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
N1
0
1
26.125

Mesta lækkun dagsins


Félag
Br.%
Fjöldi
Velta*
SKEL
-0,49
1
104
N1
0
1
26.125