Innlent

Gekk berserksgang á biðstofunni

Stefán Ó. Jónsson skrifar
Maðurinn var handtekinn á fæðingardeildinni.
Maðurinn var handtekinn á fæðingardeildinni. VÍSIR/AUÐUNN
Maður gekk berserksgang á biðstofu slysadeildar sjúkrahússins á Akureyri í nótt. Mbl segir manninn því næst hafa lagt leið sína inn í sjúkrahúsið og rakleiðis á fæðingardeild spítalans þar sem lögreglan handtók hann svo að lokum.

Maðurinn er sagður hafa verið í annarlegu ástandi en í samtali við mbl segir lögreglan á Akureyri að á fjórða tímanum í nótt hafi hann komist inn á biðstofuna. Þar á hann að hafa brotið innanstokksmuni, rokið út og því næst brotið rúðu.

Enginn á að hafa slasast í hamaganginum. Maðurinn komst síðan inn í sjúkrahúsið og ráfaði þar um gangana áður en hann endaði svo á fæðingardeildinni, þar sem hann var svo handtekinn sem fyrr segir.

Hann var fluttur í fangaklefa og verður yfirheyrður þegar ástand hans lagast. Hann er sagður eiga við veikindi að stríða.




Fleiri fréttir

Sjá meira


×