Innlent

Ungt par var tekið með mikið magn kókaíns

Kjartan Kjartansson skrifar
Rúm þrjú kíló af kókaíni fundust í fórum parsins. Myndin tengist efni fréttarinnar ekki.
Rúm þrjú kíló af kókaíni fundust í fórum parsins. Myndin tengist efni fréttarinnar ekki. Vísir/Anton Brink
Lögreglan á Suðurnesjum hefur að undanförnu rannsakað mál ungs íslensks pars sem kom til landsins með tvær ferðatöskur sem í voru falin á fjórða kíló af kókaíni fyrr í þessum mánuði. Þeim var báðum gert að sæta gæsluvarðhaldi.

Parið var að koma frá Tenerife 10. mars þegar lögregla handtók það í Flugstöð Leifs Eiríkssonar eftir að tollverðir höfðu stöðvað för þess, að því er segir í tilkynningu frá lögreglunni á Suðurnesjum. Í botni beggja taskanna reyndust vera samtals 3.3 kíló af kókaíni.

Karlmaðurinn er 23 ára og stúlkan sautján ára. Maðurinn játaði við skýrslutöku hjá lögreglu að hann hefði skipulagt innflutning efnanna sem hann reyndi að smygla til landsins án vitundar stúlkunnar. Þeim var báðum gert að sæta gæsluvarðhaldi, honum á Hólmsheiði en stúlkan var vistuð á Stuðlum sökum ungs aldurs.

Rannsókn málsins er sögð á lokastigi.




Fleiri fréttir

Sjá meira


×