Innlent

Langtímastæði við Keflavíkurflugvöll að fyllast

Höskuldur Kári Schram og Sylvía Rut Sigfúsdóttir skrifa
Frá Keflavíkurflugvelli.
Frá Keflavíkurflugvelli. Isavia
Öll langtímastæði við Keflavíkurflugvöll eru við það að fyllast og er fólki ráðlagt að taka rútu, leigubíl eða láta skutla sér út á flugvöl. Þetta kemur fram í tilkynningu frá ISAVIA.

Þetta er ekki fyrsta sinn sem öll langtímastæði fyllast við flugvöllinn en það gerðist líka um páskana í fyrra. Fyrr í þessum mánuði voru farþegar - sem áttu bókað far til útlanda um páskana - hvattir til að panta stæði fyrirfram á vef ISAVIA og ákváðu margir að nýta sér þann valkost að því fram kemur í tilkynningunni.

Hægt er að sjá hvort stæði séu laus eftir páska í bókunarkerfinu. Fjölgun bílastæða við flugvöllinn er liður í þeirri framkvæmdaáætlun sem unnið er að vegna áformaðrar stækkunar flugvallarins á næstu árum. Í tilkynningunni biðst ISAVIA afsökunar á þeim óþægindum sem þessi staða kann að valda farþegum.


Tengdar fréttir




Fleiri fréttir

Sjá meira


×