Viðskipti innlent

Hlutu aðalverðlaun á sjávarútvegssýningu í Boston

Þórhildur Erla Pálsdóttir skrifar
Básinn hjá Ora á sýningunni í Boston.
Básinn hjá Ora á sýningunni í Boston. Jóhannes Egilsson
Varan Creamy masago bites frá Iceland's finest hlaut önnur af aðalverðlaunum á stórri sjávarútvegssýningu sem haldin var í Boston um helgina. Varan er hluti af vörulínunni Iceland's Finest sem Ora hefur verið að þróa undanfarin misseri. Viðskiptavinurinn sér þó um að framreiða og undibúa vöruna. 

Ekki ósvipað Eldum rétt

„Varan kemur í kassa og í kassanum eru þrjár megin vörurnar. Á pakkanum er svo uppskrift um hvernig þú átt að bera hana fram. Þessi vara heitir Creamy Massago bites og er unnið úr loðnuhrognum, laxamús sem er unnin úr eldislaxi og síðan er uppskrift á pakkanum um hvað þú átt að gera, svolítið svipað eins og í Eldum rétt eða Einn, tveir og elda.“ segir Jóhannes Egilsson útflutningsstjóri hjá Ora.



Mikill heiður

Jóhannes segir það mikinn heiður fyrir fyrirtækið að hljóta þessi verðlaun.

„Það er verðlaunað fyrir tvennt á þessari hátíð, annars vegar fyrir „food service“ og svo fyrir smávöru, „retail product of the year“ og það erum við, það eru aðalverðlaunin. Þetta er mikill heiður og þessi verðlaun hjálpa til við að vekja enn meiri eftirtekt á ORA og Iceland’s Finest,“ segir Jóhannes.

We’re proud to announce that Iceland’s Finest was named one of the winners of the 2018 Seafood Excellence Awards at the...

Posted by Iceland's Finest on Friday, March 16, 2018





Fleiri fréttir

Sjá meira


×