Innlent

Tveir útskrifaðir af gjörgæslu eftir umferðarslys á Suðurlandsvegi

Hulda Hólmkelsdóttir skrifar
Loka þurfti Suðurlandsvegi í báðar áttir vegna rannsóknar á vettvangi og mynduðust langar bílaraðir vegna þess.
Loka þurfti Suðurlandsvegi í báðar áttir vegna rannsóknar á vettvangi og mynduðust langar bílaraðir vegna þess. Mynd/Jóna Fanney Friðriksdóttir

Tveir þeirra þriggja erlendu ferðamanna sem lentu í alvarlegu umferðarslysi á Suðurlandsvegi skammt frá Kirkjubæjarklaustri á sunnudag eru útskrifaðir af gjörgæslu. Til stendur að útskrifa þann þriðja í dag yfir á almenna deild, samkvæmt upplýsingum frá Oddi Árnasyni, yfirlögregluþjóni hjá lögreglunni á Suðurlandi.  

Hann segir að búið sé að ræða við Bandaríkjamennina tvo sem ekki eru á gjörgæslu en enn eigi eftir að ræða við einstaklinginn frá Tævan. Ekki er vitað hvenær hægt verður að ræða við hann um tildrög slyssins.

Það liggur fyrir að öðrum bílnum hafi verið ekið á öfugan vegarhelming þar sem hann lenti framan á bíl sem kom úr gagnstæðri átt. Um tvo fólksbíla var að ræða.

Slysið varð um klukkan fjögur á sunnudag og var Suðurlandsvegur lokaður í báðar áttir í nokkra klukkutíma á meðan rannsókn á vettvangi fór fram. Engin hjáleið var svo að langar raðir mynduðust.
 


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.