Viðskipti innlent

Eignir Íslendinga erlendis drógust saman

Kristinn Ingi Jónsson skrifar
Íslendingar hafa ekki átt jafn lítið af fjármunaeignum, í krónum talið, á erlendri grundu frá árinu 2005.
Íslendingar hafa ekki átt jafn lítið af fjármunaeignum, í krónum talið, á erlendri grundu frá árinu 2005. Vísir/Stefán

Íslendingar áttu 684 milljarða króna í beinni fjármunaeign erlendis í lok árs 2016 samkvæmt nýjum tölum frá Seðlabanka Íslands. Til samanburðar var bein fjármunaeign Íslendinga erlendis 990 milljarðar króna í árslok 2015 og nam samdrátturinn á árinu 2016 því ríflega 30 prósentum. Telja má sennilegt að mikil gengisstyrking krónunnar skýri samdráttinn að mestu leyti.

Íslendingar hafa ekki átt jafn lítið af fjármunaeignum, í krónum talið, á erlendri grundu frá árinu 2005.

Samkvæmt tölum Seðlabankans áttu útlendingar um 1.110 milljarða króna í beinni fjármunaeign hér á landi í lok árs 2016 borið saman við 1.017 milljarða í árslok 2015.

Sem fyrr eiga Íslendingar mest af fjármunaeignum í Hollandi eða 286 milljarða króna í lok árs 2016. Bein fjármunaeign Íslendinga í Bretlandi var 121 milljarður á sama tíma og dróst hún verulega saman á milli ára, en hún nam 212 milljörðum króna í árslok 2015. Auk þess áttu Íslendingar fjármunaeignir upp á 59 milljarða á Kýpur og 33 milljarða í Lúxemborg í lok árs 2016, svo nokkur dæmi séu nefnd.

Eignarhald útlendinga á fjármunaeignum hér á landi var að langmestu leyti í gegnum Lúxemborg í lok 2016. Voru þá eignir upp á 921 milljarð króna skráðar í eigu lúxemborgskra aðila borið saman við 809 milljarða í lok árs 2015. Um 120 milljarða króna eignir hér á landi voru í árslok 2016 skráðar í eigu hollenskra aðila og 87 milljarða eignir í eigu svissneskra aðila.

Þá var bein fjármunaeign Bandaríkjamanna hér á landi neikvæð um 319 milljarða króna í lok árs 2016 en hún hefur verið neikvæð allt frá árinu 2013.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
MARL
1,05
12
288.871
HEIMA
0,89
2
3.501
SYN
0,63
2
71.280
VIS
0,54
1
6.587
SIMINN
0,37
6
253.143

Mesta lækkun dagsins


Félag
Br.%
Fjöldi
Velta*
GRND
-0,62
4
68.377
EIK
-0,25
2
512
HAGA
-0,22
5
74.697
SKEL
-0,14
7
269.324
REITIR
0
2
59.947
Velkomin á Vísi. Þessi vefur notar vafrakökur. Sjá nánar.