Bein útsending: HM-búningur Íslands afhjúpaður

Biðin langa er á enda. Í dag verður hulunni loksins svipt af búningunum sem strákarnir okkar spila í er þeir mæta til leiks á HM í Rússlandi.

Mikil eftirvænting er meðal þjóðarinnar að sjá hvernig til hefur tekist. Búningurinn verður afhjúpaður klukkan 15.15. Vísir ætlar að hefja sína útsendingu klukkan 15.00.

Stefán Árni Pálsson er okkar maður á staðnum en hann mun spá í búninginn með Áfrúnu Pálsdóttur, ritstjóra Glamour, og einnig heyra í mönnum á staðnum.

Útsendingunni er lokið en hér fyrir neðan má sjá upptöku af henni.