Fótbolti

Torres með tvö í auðveldu verkefni Atletico

Anton Ingi Leifsson skrifar
Torres fagnar öðru marki sínu í kvöld.
Torres fagnar öðru marki sínu í kvöld. vísir/afp
Atletico Madrid er komið í átta liða úrslit Evrópudeildarinnar eftir að hafa slátrað Lokomotiv Moskva, samanlagt 8-1, í leikjunum tveimur í Evrópudeildinni.

Síðari leik liðanna í kvöld lauk með 5-1 sigri spænska liðsins. Angel Correa kom Atletico yfir, en Maciej Rybus jafnaði skömmu síðar. Þannig stóðu leikar í hálfleik.

Veisla Madrídinga hófst eftir tvær mínútur í síðari hálfleik þegar Saul Niguez kom þeim í 2-1. Fernando Torres gerði svo tvö mörk og Antoine Griezmann eitt áður en yfir lauk.

Lokatölur því 5-1 og samanlagt 8-1 eins og áður segir en Atletico er komið í átta liða úrslitin. Þeir verða að teljast líklegir til afreka en síðar í kvöld skýrist hvaða átta lið fara áfram ásamt Atletico. 




Fleiri fréttir

Sjá meira


×