Fótbolti

Bayern tapaði þriðja leiknum í Leipzig

Anton Ingi Leifsson skrifar
Keita var öflugur í dag.
Keita var öflugur í dag. vísir/getty
RasenBallsport Leipzig varð þriðja liðið þetta til þess að vinna Bayern Munchen í þýsku úrvalsdeildinni í dag, en Leipzig hafði betur, 2-1, í viðureign liðanna í dag.

Sandro Wagner kom þýsku meisturunum yfir á tólftu mínútu en Naby Keita, sem gengur í raðir Liverpool í sumar, jafnaði metin fyrir heimamenn fyrir hlé.

Það var svo Timo Werner sem skoraði sigurmarkið á 56. mínútu eftir undirbúning Keita en Werner hefur einnig verið orðaður við Liverpool. Lokatölur 2-1 á Red Bull leikvanginum.

Þrátt fyrir tapið er Bayern með sautján stiga forskot á Schalke þegar 21 stig er eftir í pottinum.

Leipzig er í sjötta sætinu en þeir voru þriðja liðið til þess að vinna Bayern í deildinni þetta tímabilið. Borussia Mönchengladbach og Hoffenheim hafa einnig gert það.




Fleiri fréttir

Sjá meira


×