Fótbolti

Ronaldo: Ekki bera aðra saman við mig

Anton Ingi Leifsson skrifar
Ronaldo er með sjálfstraustið í lagi. Eðlilega.
Ronaldo er með sjálfstraustið í lagi. Eðlilega. vísir/getty
Cristiano Ronaldo segir í nýjustu auglýsingu Nike að það verði enginn borinn saman við hann og að hann hafi byrjað að trúa því að hann gæti verið besti leikmaður í heimi þegar hann lék með Manchester United.

Samanburður Ronaldo og Lionel Messi hefur verið ætíð mikið í umræðunni en Ronaldo segir að það verði enginn borinn saman við hann. Hann verði alltaf bara Cristiano Ronaldo og allt því sem því fylgir.

„Í upphafi þá dreymdi mig um að verða besti leikmaður í heiminum. Vinir mínir litu á mig og sögðu: Hvað ertu að tala um?” sagði Ronaldo í auglýsingunni frá Nike. „Ég spilaði vegna skemmtunar, en í mínum huga byrjaði þetta í Manchester. Þar byrjaði ég að trúa.”

„Ég sé ekki marga með mín gæði, ástríðu, vinnu. Það verður enginn borinn saman við mig; það verður enginn Cristinao Ronaldo. Þú verður þú sjálfur, ég verð ég sjálfur,” sagði kappinn.

Myndbandið má sjá hér að neðan.




Fleiri fréttir

Sjá meira


×