Lögmenn Trump afhenda gögn til að auðvelda honum viðtal við Mueller Kjartan Kjartansson skrifar 19. mars 2018 22:45 Skriflegar lýsingar á lykilaugnablikum sem lögmenn Donalds Trump Bandaríkjaforseta hafa afhent rannsakendum Roberts Mueller, sérstaks rannsakanda dómsmálaráðuneytisins, er tilraun þeirra til að reyna að takmarka umfang viðtals Trump við saksóknarana. Á sama tíma íhugar Trump að ráða lögmann sem telur alríkislögregluna og dómsmálaráðuneytið reyna að koma sök á forsetann. Markmið lögmannanna er að takmarka viðtalið við sérvalin viðfangsefni. Ástæðan er sú að þeir óttast að Trump gæti farið sér að voða í löngu viðtali við rannsakendur í ljósi þess hversu frjálslega hann fer með staðreyndir, að því er kemur fram í frétt Washington Post. Trump er hins vegar sjálfur sagður „iða í skinninu“ að ræða við rannsakendurna. Lögmennirnir eru hins vegar ekki eins spenntir. Á meðal gagnanna sem lögmennirnir hafa sent Mueller eru minnisblöð Hvíta hússins og bréfaskipti sem áttu sér stað í kringum atburði sem hann rannsakar, þar á meðal brottrekstur James Comey, forstjóra alríkislögreglunnar FBI, og Michael Flynn, þjóðaröryggisráðgjafa Trump. Mueller rannsakar afskipti Rússa af forsetakosningunum árið 2016 og hvort að framboð Trump hafi átt í samráði við þá. Einnig kannar hann hvort að Trump hafi gerst sekur um að hindra framgang rannsóknarinnar, ekki síst þegar hann ákvað að reka Comey.Lét gamminn geisa um rannsóknina um helgina Þrátt fyrir að Trump hafi farið mikinn um meintar „nornaveiðar“ gegn sér og ítrekað fullyrt að ekkert samráð við Rússa hafi átt sér stað fyrir forsetakosningarnar hefur forsetinn að mestu látið vera að ráðast á Mueller sjálfan að ráðum lögmanna sinna. Undanfarið virðist Trump hins vegar hafa ákveðið að sókn sé besta vörnin gegn rannsókninni. Þannig nefndi hann Mueller í fyrsta skipti á nafn í röð tísta um helgina þar sem hann réðst einnig að heilindum fyrrverandi forystumanna alríkislögreglunnar FBI sem hann rak. Spurði Trump, út frá röngum forsendum, hvers vegna starfslið Mueller væri fullt af „forhertum“ demókrötum en engum repúblikönum. Rannsóknin hefði aldrei átt að fara af stað þar sem ekkert samráð og engir glæpir hafi átt sér stað. Tístin komu í kjölfar þess að einn lögmanna Trump kallaði eftir því að rannsóknin yrði látin falla niður. Í fyrstu sagðist hann koma fram fyrir hönd forsetans en leiðrétti sig síðar og sagðist hafa talað í eigin nafni. Áhyggjur hafa nú vaknað um að Trump sér að undirbúa jarðveginn til að reka Mueller. Þingmenn demókrata vilja að gripið verði til aðgerða í þinginu til að verja rannsóknina. Nokkrir repúblikanar hafa einnig varað Trump við því að kippa fótunum undan Mueller. Lindsey Graham, öldungadeildarþingmaður repúblikana, sagði þannig að það yrði upphafið að endi forsetatíðar Trump.Fátt reitir Trump forseta eins til reiði og fréttir af Rússarannsókninni sem hann afskrifar sem nornaveiðar gegn sér.Vísir/AFPHæpin kenning um samsæri gegn Trump Til marks um aukna hörku Trump gagnvart rannsókninni er hann nú sagður ætla að ráða Joseph E. diGenova, lögmann og fyrrverandi ríkissaksóknara, til að bætast í hóp lögfræðiteymis síns. DiGenova þessi hefur meðal annars sakað FBI og dómsmálaráðuneytið um að hafa komið sök á Trump, að því er segir í frétt New York Times. Heldur hann því fram að leynilegur hópur FBI-fulltrúa hafi búið til Rússarannsóknina til að koma í veg fyrir að Trump yrði forseti. „Þetta var óskammfeilið samsæri til að hreinsa Hillary Clinton ólöglega af sök og ef hún ynni ekki kosningarnar, að koma sök á Donald Trump með glæpum sem voru ranglega búnir til,“ sagði diGenova við Fox News-sjónvarpsstöðina í janúar. Fátt styður þá samsæriskenningu. FBI var með bæði Trump og Clinton til rannsóknar í aðdraganda forsetakosninganna árið 2016. Ekki var greint opinberlega frá rannsókninni á meintu samráði Trump-framboðsins við Rússa fyrr en eftir kosningarnar. James Comey, þáverandi forstjóri FBI, greindi hins vegar frá því að rannsókn á tölvupóstnotkun Clinton þegar hún var utanríkisráðherra hefði verið opnuð aftur aðeins rúmri viku fyrir kjördag. Ekkert kom út úr þeirri rannsókn. Upphaflega ástæðan sem dómsmálaráðuneyti Trump gaf fyrir ákvörðuninni um að reka Comey í maí í fyrra var hvernig hann hefði hagað tilkynningunni um rannsóknina á Clinton. Trump sagði hins vegar skömmu síðar í sjónvarpsviðtali að hann hefði haft Rússarannsóknina í huga þegar hann sparkaði Comey. Bandaríkin Donald Trump Rússarannsóknin Tengdar fréttir Aðstoðarforstjóri FBI rekinn Andrew McCabe, aðstoðarforstjóri bandarísku alríkislögreglunnar FBI, var rekinn í gærkvöldi. 17. mars 2018 07:39 Lögmaður Trump krefst þess að Mueller verði stöðvaður Segir Rússarannsóknina svokölluðu vera gallaða og spillta af pólitískum sjónarmiðum. 17. mars 2018 23:00 Enn rífst Trump og skammast á Twitter Donald Trump, forseti Bandaríkjanna, hellti í dag og í gær úr skálum reiði sinnar vegna rannsóknar Robert Mueller, sérstaks saksóknara, á afskiptum Rússa af forsetakosningunum 2016 18. mars 2018 21:30 Vara Trump við því að hrófla við Mueller Trump fór mikinn á Twitter um helgina. 19. mars 2018 08:27 Mest lesið Straumhvörf í veðrinu Innlent Ísraelar gera árás á Íran Erlent Hættir með Matargjafir á Akureyri með sorg í hjarta Innlent Myndband sýnir þjófana í Hamraborg hafa lítið fyrir hlutunum Innlent Kæra bónda eftir að 29 naut fundust dauð Innlent Helga ekki tilbúin að henda inn handklæðinu Innlent Segjast hafa skotið niður dýrmæta sprengjuflugvél Erlent Sakaður um fjölda afbrota: Ungar stúlkur einar heima urðu skelkaðar þegar hann ruddist inn Innlent Handtekinn í tengslum við áform um að ráða Selenskí af dögum Erlent Stjórnarmaður í RÚV segir opinber hlutafélög fé án hirðis Innlent Fleiri fréttir Segjast hafa skotið niður dýrmæta sprengjuflugvél Handtekinn í tengslum við áform um að ráða Selenskí af dögum Ísraelar gera árás á Íran Kennedy-fjölskyldan lýsir yfir stuðningi við Biden Bandaríkin stöðvuðu fulla aðild Palestínumanna að SÞ Hrunið í gömlu kauphöllinni heldur áfram Afsalta sjó til drykkjar í þurrki í Barcelona Eiginmaður Sturgeon ákærður fyrir fjárdrátt Mega koma til að snæða í Grindavík en aðeins í rútu Johnson í erfiðri stöðu Hafa vitneskju um mögulegan dvalarstað Íslendings sem flýr réttvísina Útsendarar Rússa sakaðir um skipulagningu árása í Þýskalandi Mikill mannskaði eftir sögulegt úrhelli í eyðimörkinni Kjarnorkuknúin drónaþyrla mun leita að lífrænum sameindum á Títan Sendi ösku í allt að þriggja kílómetra hæð Ákærður fyrir að nota slagorð SS-sveitanna á fjöldafundi Stjórnvöld í Katar að endurskoða sáttasemjarahlutverk sitt Réði lífvörð eftir árásina á bandamann Navalnís Borgarstjóri sakaður um brot gegn dóttur sinni Hæsta vindmylla heims á landi reist í Danmörku Þingforsetinn segist ekki ætla að fara fet Ísraelar sagðir búnir að ákveða að svara fyrir sig Boðflennusæfíll hrellir Kanadamenn Mannskæð loftárás Rússa í Norður-Úkraínu Toppurinn á spírunni fundinn: „Margir í sjokki og enn að ná sér“ Kóralrif fölna á heimsvísu í fjórða skiptið á þremur áratugum Eins og hálfs árs úrkoma á einum sólarhring í Dubai Ítarleg úttekt á þjónustu við börn með kynama þungur áfellisdómur Greitt fyrir aðgengi andstæðinga þungunarrofs inn á heilbrigðismiðstöðvar Áætla að yfir 50.000 rússneskir hermenn hafi fallið í átökunum Sjá meira
Skriflegar lýsingar á lykilaugnablikum sem lögmenn Donalds Trump Bandaríkjaforseta hafa afhent rannsakendum Roberts Mueller, sérstaks rannsakanda dómsmálaráðuneytisins, er tilraun þeirra til að reyna að takmarka umfang viðtals Trump við saksóknarana. Á sama tíma íhugar Trump að ráða lögmann sem telur alríkislögregluna og dómsmálaráðuneytið reyna að koma sök á forsetann. Markmið lögmannanna er að takmarka viðtalið við sérvalin viðfangsefni. Ástæðan er sú að þeir óttast að Trump gæti farið sér að voða í löngu viðtali við rannsakendur í ljósi þess hversu frjálslega hann fer með staðreyndir, að því er kemur fram í frétt Washington Post. Trump er hins vegar sjálfur sagður „iða í skinninu“ að ræða við rannsakendurna. Lögmennirnir eru hins vegar ekki eins spenntir. Á meðal gagnanna sem lögmennirnir hafa sent Mueller eru minnisblöð Hvíta hússins og bréfaskipti sem áttu sér stað í kringum atburði sem hann rannsakar, þar á meðal brottrekstur James Comey, forstjóra alríkislögreglunnar FBI, og Michael Flynn, þjóðaröryggisráðgjafa Trump. Mueller rannsakar afskipti Rússa af forsetakosningunum árið 2016 og hvort að framboð Trump hafi átt í samráði við þá. Einnig kannar hann hvort að Trump hafi gerst sekur um að hindra framgang rannsóknarinnar, ekki síst þegar hann ákvað að reka Comey.Lét gamminn geisa um rannsóknina um helgina Þrátt fyrir að Trump hafi farið mikinn um meintar „nornaveiðar“ gegn sér og ítrekað fullyrt að ekkert samráð við Rússa hafi átt sér stað fyrir forsetakosningarnar hefur forsetinn að mestu látið vera að ráðast á Mueller sjálfan að ráðum lögmanna sinna. Undanfarið virðist Trump hins vegar hafa ákveðið að sókn sé besta vörnin gegn rannsókninni. Þannig nefndi hann Mueller í fyrsta skipti á nafn í röð tísta um helgina þar sem hann réðst einnig að heilindum fyrrverandi forystumanna alríkislögreglunnar FBI sem hann rak. Spurði Trump, út frá röngum forsendum, hvers vegna starfslið Mueller væri fullt af „forhertum“ demókrötum en engum repúblikönum. Rannsóknin hefði aldrei átt að fara af stað þar sem ekkert samráð og engir glæpir hafi átt sér stað. Tístin komu í kjölfar þess að einn lögmanna Trump kallaði eftir því að rannsóknin yrði látin falla niður. Í fyrstu sagðist hann koma fram fyrir hönd forsetans en leiðrétti sig síðar og sagðist hafa talað í eigin nafni. Áhyggjur hafa nú vaknað um að Trump sér að undirbúa jarðveginn til að reka Mueller. Þingmenn demókrata vilja að gripið verði til aðgerða í þinginu til að verja rannsóknina. Nokkrir repúblikanar hafa einnig varað Trump við því að kippa fótunum undan Mueller. Lindsey Graham, öldungadeildarþingmaður repúblikana, sagði þannig að það yrði upphafið að endi forsetatíðar Trump.Fátt reitir Trump forseta eins til reiði og fréttir af Rússarannsókninni sem hann afskrifar sem nornaveiðar gegn sér.Vísir/AFPHæpin kenning um samsæri gegn Trump Til marks um aukna hörku Trump gagnvart rannsókninni er hann nú sagður ætla að ráða Joseph E. diGenova, lögmann og fyrrverandi ríkissaksóknara, til að bætast í hóp lögfræðiteymis síns. DiGenova þessi hefur meðal annars sakað FBI og dómsmálaráðuneytið um að hafa komið sök á Trump, að því er segir í frétt New York Times. Heldur hann því fram að leynilegur hópur FBI-fulltrúa hafi búið til Rússarannsóknina til að koma í veg fyrir að Trump yrði forseti. „Þetta var óskammfeilið samsæri til að hreinsa Hillary Clinton ólöglega af sök og ef hún ynni ekki kosningarnar, að koma sök á Donald Trump með glæpum sem voru ranglega búnir til,“ sagði diGenova við Fox News-sjónvarpsstöðina í janúar. Fátt styður þá samsæriskenningu. FBI var með bæði Trump og Clinton til rannsóknar í aðdraganda forsetakosninganna árið 2016. Ekki var greint opinberlega frá rannsókninni á meintu samráði Trump-framboðsins við Rússa fyrr en eftir kosningarnar. James Comey, þáverandi forstjóri FBI, greindi hins vegar frá því að rannsókn á tölvupóstnotkun Clinton þegar hún var utanríkisráðherra hefði verið opnuð aftur aðeins rúmri viku fyrir kjördag. Ekkert kom út úr þeirri rannsókn. Upphaflega ástæðan sem dómsmálaráðuneyti Trump gaf fyrir ákvörðuninni um að reka Comey í maí í fyrra var hvernig hann hefði hagað tilkynningunni um rannsóknina á Clinton. Trump sagði hins vegar skömmu síðar í sjónvarpsviðtali að hann hefði haft Rússarannsóknina í huga þegar hann sparkaði Comey.
Bandaríkin Donald Trump Rússarannsóknin Tengdar fréttir Aðstoðarforstjóri FBI rekinn Andrew McCabe, aðstoðarforstjóri bandarísku alríkislögreglunnar FBI, var rekinn í gærkvöldi. 17. mars 2018 07:39 Lögmaður Trump krefst þess að Mueller verði stöðvaður Segir Rússarannsóknina svokölluðu vera gallaða og spillta af pólitískum sjónarmiðum. 17. mars 2018 23:00 Enn rífst Trump og skammast á Twitter Donald Trump, forseti Bandaríkjanna, hellti í dag og í gær úr skálum reiði sinnar vegna rannsóknar Robert Mueller, sérstaks saksóknara, á afskiptum Rússa af forsetakosningunum 2016 18. mars 2018 21:30 Vara Trump við því að hrófla við Mueller Trump fór mikinn á Twitter um helgina. 19. mars 2018 08:27 Mest lesið Straumhvörf í veðrinu Innlent Ísraelar gera árás á Íran Erlent Hættir með Matargjafir á Akureyri með sorg í hjarta Innlent Myndband sýnir þjófana í Hamraborg hafa lítið fyrir hlutunum Innlent Kæra bónda eftir að 29 naut fundust dauð Innlent Helga ekki tilbúin að henda inn handklæðinu Innlent Segjast hafa skotið niður dýrmæta sprengjuflugvél Erlent Sakaður um fjölda afbrota: Ungar stúlkur einar heima urðu skelkaðar þegar hann ruddist inn Innlent Handtekinn í tengslum við áform um að ráða Selenskí af dögum Erlent Stjórnarmaður í RÚV segir opinber hlutafélög fé án hirðis Innlent Fleiri fréttir Segjast hafa skotið niður dýrmæta sprengjuflugvél Handtekinn í tengslum við áform um að ráða Selenskí af dögum Ísraelar gera árás á Íran Kennedy-fjölskyldan lýsir yfir stuðningi við Biden Bandaríkin stöðvuðu fulla aðild Palestínumanna að SÞ Hrunið í gömlu kauphöllinni heldur áfram Afsalta sjó til drykkjar í þurrki í Barcelona Eiginmaður Sturgeon ákærður fyrir fjárdrátt Mega koma til að snæða í Grindavík en aðeins í rútu Johnson í erfiðri stöðu Hafa vitneskju um mögulegan dvalarstað Íslendings sem flýr réttvísina Útsendarar Rússa sakaðir um skipulagningu árása í Þýskalandi Mikill mannskaði eftir sögulegt úrhelli í eyðimörkinni Kjarnorkuknúin drónaþyrla mun leita að lífrænum sameindum á Títan Sendi ösku í allt að þriggja kílómetra hæð Ákærður fyrir að nota slagorð SS-sveitanna á fjöldafundi Stjórnvöld í Katar að endurskoða sáttasemjarahlutverk sitt Réði lífvörð eftir árásina á bandamann Navalnís Borgarstjóri sakaður um brot gegn dóttur sinni Hæsta vindmylla heims á landi reist í Danmörku Þingforsetinn segist ekki ætla að fara fet Ísraelar sagðir búnir að ákveða að svara fyrir sig Boðflennusæfíll hrellir Kanadamenn Mannskæð loftárás Rússa í Norður-Úkraínu Toppurinn á spírunni fundinn: „Margir í sjokki og enn að ná sér“ Kóralrif fölna á heimsvísu í fjórða skiptið á þremur áratugum Eins og hálfs árs úrkoma á einum sólarhring í Dubai Ítarleg úttekt á þjónustu við börn með kynama þungur áfellisdómur Greitt fyrir aðgengi andstæðinga þungunarrofs inn á heilbrigðismiðstöðvar Áætla að yfir 50.000 rússneskir hermenn hafi fallið í átökunum Sjá meira
Aðstoðarforstjóri FBI rekinn Andrew McCabe, aðstoðarforstjóri bandarísku alríkislögreglunnar FBI, var rekinn í gærkvöldi. 17. mars 2018 07:39
Lögmaður Trump krefst þess að Mueller verði stöðvaður Segir Rússarannsóknina svokölluðu vera gallaða og spillta af pólitískum sjónarmiðum. 17. mars 2018 23:00
Enn rífst Trump og skammast á Twitter Donald Trump, forseti Bandaríkjanna, hellti í dag og í gær úr skálum reiði sinnar vegna rannsóknar Robert Mueller, sérstaks saksóknara, á afskiptum Rússa af forsetakosningunum 2016 18. mars 2018 21:30