Lífið

Marsspá Siggu Kling – Krabbinn: Vertu viss um að þar sé hamingjan

Elsku Krabbinn minn, það er einhvern veginn allt að gerast hjá þér þessa dagana, þú ert hugrekkið holdi klætt og er alltaf með það á hreinu að það þýðir ekkert að gefast upp. Þú getur ruglað saman praktískum hugsunum og tilfinningum, en þitt ótrúlega innsæi mun alltaf leiða þig á rétta braut.

Þú ert svo sannarlega spámaður en þarft á miklu hrósi að halda, en hafðu það í veganesti að hrósa sjálfum þér og ef þú færð hrós skaltu knúsa og þakka sérstaklega fyrir það. Þú ert svo aðlaðandi persóna, getur verið svo barnalegur, sem getur verið eitthvað svo einlægt og smart og þess vegna treystir fólk þér, biður þig um ráð og jafnvel hjálp. Þú vilt svo mikið aðstoða aðra að þú kemur þér stundum í vandræði, vesen og stress, en allir elska þig svo haltu þessu bara áfram, það þarfnast þín margir og þú þarft ekki að fá staðfestingu á því svo alls ekki reyna það.

Þú angar af sex appeali eins og Chanel °5 sem er náttúrulega bara goðsögn ilmvatnanna og þessi unaðslega blanda af ást og töfrum mun laða að sér ástina fyrir þá sem eru á lausu. Í ástinni verðurðu að hafa bæði andlega og líkamlega tengingu, svo horfðu djúpt í augun á þeim sem þú elskar og vertu viss um að þar sé hamingjan. Þér finnst svo mikilvægt að hafa ævintýri í öllu í kringum þig, en ævintýrin eru akkúrat að finna manneskju sem er svo þægileg að þú þurfir ekki að skapa neitt ævintýralegt andrúmsloft þar í kring og finnist bara eðlilegt að prumpa og borða sælgæti í morgunmat, í því felst ástin að finnast einhver annar svo þægilegur að maður geti áreynslulaust hangið með þeirri týpu við allar aðstæður.

Núna er mikilvægt að hafa trú á eigin hæfileikum og samskiptatækni þín mun koma þér þangað sem þú vilt, svo hafðu smá auðmýkt í samskiptum þínum því það gerir trixið og þessi seiðandi og skemmtilega rödd sem þú átt hefur meiri áhrif á aðra en þú gerir þér grein fyrir.  

Frægir Krabbar: Bryndís Schram, Sigga Lorange Ostabúðarskvísa, Auddi Blö, sem við elskum öll, Dagur B. Eggertsson, borgarstjóri og dúlla, Ólafur Stefánsson, handboltakappi og heimspekingur, Edda Sif, Sindri Sindrason, Ásdís Halla Bragadóttir, Hjörvar Hafliðason og Lars Lagerbäck landsliðsþjálfari, Davíð hinn góði skóari í Hafnafirði, Stefán Árni Pálsson fréttamaður, Guðni Th. forseti Íslands, Friðbjörn Europartakóngur, Yesmine Olsen, höfundur og framleiðandi, George Michael, Kristófer Helgason, dagskrágerðamaður, Nuno Alexandre Bentin Servo veitingahúsakóngur, Helga Hafsteinsdóttir, hárgreiðsluséní á Akureyri, Íris Björk Tanya frumkvöðull og hönnuður.

Setningin þín er: Þú kemst áfram sama hver stormurinn er – Í stormi (Dagur Sigurðsson)



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira