Viðskipti erlent

ESB ætlar að svara verndartollum Trump af hörku

Kjartan Kjartansson skrifar
Viðskiptaráðherra Bandaríkjanna skilaði þeirri niðurstöðu að innflutningur á stáli og áli ógnaði þjóðaröryggi. Trump tilkynnti í kjölfarið að hann hygðist leggja háa tolla á innflutning.
Viðskiptaráðherra Bandaríkjanna skilaði þeirri niðurstöðu að innflutningur á stáli og áli ógnaði þjóðaröryggi. Trump tilkynnti í kjölfarið að hann hygðist leggja háa tolla á innflutning. Vísir/AFP

Forseti framkvæmdastjórnar Evrópusambandsins segir að mótaðgerðir verði kynntar á næstu dögum til að bregðast við verndartollum sem Donald Trump Bandaríkjaforseti hyggst leggja á innflutt stál og ál. Á Twitter segir Trump að viðskiptastríð séu af hinu góða.

Ringulreið ríkti um ákvörðun Trump um að tilkynna um 25% verndartolla á innflutt stál og 10% á ál í gær. Hugmyndin er sögð hafa valdið miklum deilum innan Hvíta hússins og forsetinn hafi tilkynnt um fyrirætlanir sínar þrátt fyrir að enn sé ekki búið að leggja lagalegan grunn að tollunum.

Jean-Claude Juncker, forseti framkvæmdastjórnar ESB,  segist harma ákvörðun Bandaríkjastjórnar sem hann kallar inngrip til að vernda bandarískan iðnað fyrir samkeppni. Ákvörðunin hafi ekkert með þjóðaröryggi Bandaríkjanna að gera en það var grundvöllur álits viðskiptaráðuneytis Bandaríkjanna um innflutning málmanna.

„Við ætlum ekki að sitja með hendur í skauti á meðan iðnaðurinn okkar verður fyrir ósanngjörnum aðgerðum sem setur þúsundir evrópskra starfa í hættu. ESB mun bregðast við af festu og á samsvarandi hátt til að verja hagsmuni okkar,“ segir Juncker, að því er Reuters-fréttastofan greinir frá.

Washington Post segir að búist sé við því að Kínverjar og Brasilíumenn muni einnig kvarta til Alþjóðaviðskiptastofnunarinnar vegna tollanna.

Gefur í skyn að Bandaríkin tapi á viðskiptum við nær öll viðskiptaríki sín
Trump tísti í morgun um gagnrýni á verndartollana. Þeim hefur verið lýst sem upphafinu að viðskiptastríði. Sagði hann að þegar ríki töpuðu mörgum milljörðum dollara í viðskiptum við „næstum því öll lönd sem það á í viðskiptum við“ þá séu viðskiptastríð góð og auðvelt sé að hafa sigur í þeim.

„Dæmi, þegar það hallar á okkur um 100 milljarða dollara við ákveðið land og þeir reyna að vera sniðugir, hættum viðskiptum – við vinnum stórt. Þetta er auðvelt!“ tísti forseti Bandaríkjanna.

Gary Cohn, efnahagsráðgjafi Trump, er hins vegar ekki á sama máli. Hann er sagður hafa barist hatrammlega gegn verndartollunum og hótað að hætta ef af þeim yrði.

Þá eru Rex Tillerson, utanríkisráðherra Bandaríkjanna, James Mattis, varnarmálaráðherra, og H.R. McMaster, þjóðaröryggisráðgjafi Trump, sagðir hafa varað eindregið við tollunum vegna skaðlegra áhrif þeirra á samband Bandaríkjanna við nánar bandalagsþjóðir.

Twitter

Tengdar fréttir

Trump skellir háum tollum á innflutt ál og stál

Donald Trump, forseti Bandaríkjanna, segir að á næstu dögum muni hann samþykkja töluverða hækkun á tollum á innfluttu stáli og áli. Samflokksmenn hanns óttast viðbrögð erlendra ríkja við ákvörðuninni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
3,6
4
34.130
ORIGO
3,41
11
64.165
HAGA
3,34
9
116.729
FESTI
3,23
14
192.368
SIMINN
3,2
19
269.039

Mesta lækkun dagsins


Félag
Br.%
Fjöldi
Velta*
ICEAIR
-3,39
97
445.720
GRND
0
2
1.506
MARL
0
23
231.586
EIM
0
11
201.996
Velkomin á Vísi. Þessi vefur notar vafrakökur. Sjá nánar.