Liverpool áfram eftir markalausan leik á Anfield │ Sjáðu atvikin

Ástrós Ýr Eggertsdóttir skrifar
Liverpool er komið áfram í 8-liða úrslit Meistaradeildar Evrópu í fyrsta skiptið síðan 2009 eftir markalaust jafntefli við Porto á Anfield í kvöld.

Enska liðið vann stórsigur, 5-0, í Portúgal í fyrri leik liðanna í 16-liða úrslitunum og því var einvígið í raun búið fyrir leikinn í kvöld þar sem Porto hefði þurft kraftaverk til þess að fara með sigur.

Leikurinn spilaðist eftir því sem við var að búast í leik sem þessum, var mjög dauft yfir honum og lítið um marktækifæri. Liverpool átti þrjú skot á markrammann en Porto aðeins eitt.

Jurgen Klopp gat leyft sér að hvíla leikmenn í kvöld, Mohamed Salah kom inn á þegar 15. mínútur voru eftir af leiknum og Roberto Firmino fékk hálftíma hvíld, Þjóðverjinn líklega með stórleikinn gegn Manchester United um helgina í huga.

Bein lýsing

Leikirnir






    Fleiri fréttir

    Sjá meira