Innlent

Bein útsending: Vantraust á dómsmálaráðherra rætt á Alþingi

Sunna Kristín Hilmarsdóttir skrifar
Samfylkingin og Píratar hafa lagt fram vantrauststillögu gegn Sigríði Andersen, dómsmálaráðherra.
Samfylkingin og Píratar hafa lagt fram vantrauststillögu gegn Sigríði Andersen, dómsmálaráðherra. vísir/hanna

Umræða um þingsályktunartillögu Samfylkingarinnar og Pírata um vantraust á Sigríði Á. Andersen, dómsmálaráðherra, hefst klukkan 16:30 í dag. Logi Einarsson, formaður Samfylkingarinnar, er fyrsti flutningsmaður tillögunnar en hún er lögð fram vegna Landsréttarmálsins.

Í tilkynningu frá Alþingi segir að fyrirkomulag umræðnanna verði eftirfarandi:

Flokkur framsögumanns fær 15 mínútur
Flokkur ráðherra fær 15 mínútur
Aðrir þingflokkar fá 12 mínútur

Allir þingflokkar fá 3 mínútur í lok umræðunnar.

Ræðutíma hvers þingflokks má skipta milli þingmanna hans.
Almennt er reiknað með að hver þingflokkur hafi tvo ræðumenn     í almennum umræðunum og verði þeim raðað í tvær umferðir.
Samfylking hefur umræðuna, en Píratar eru fyrstir í síðari umferð.

Atkvæðagreiðsla:
Umræðan stendur þá í röskar tvær klukkustundir og korter; atkvæðagreiðsla gæti hafist rétt fyrir kl. 19.

Í desember komst Hæstiréttur að þeirri niðurstöðu að dómsmálaráðherra hefði brotið gegn stjórnsýslulögum með skipan fimmtán dómara við Landsrétt.

Var ríkið dæmt til að greiða miskabætur til tveggja umsækjenda af fjórum sem voru á meðal þeirra fimmtán sem dómnefnd mat hæfasta en ráðherra skipti út fyrir aðra þegar kom að því að skipa í réttinn. Hinir umsækjendurnir tveir sem einnig var skipt út hafa líka höfðað mál gegn ríkinu.

Fylgjast má með beinni útsendingu frá umræðunum í spilaranum hér fyrir neðan.


Tengdar fréttir

Telur að hún hafi stuðning þingsins

Sigríður Á. Andersen, dómsmálaráðherra, segist ávallt fagna því að geta rætt sín störf en Samfylkingin og Píratar hafa lagt fram vantrauststillögu á ráðherrann vegna Landsréttarmálsins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.