Körfubolti

Sagður hafa þuklað á konu í bolamyndatöku

Henry Birgir Gunnarsson skrifar
Cuban fær hér bolamynd með Mark Wahlberg og DJ Khaled.
Cuban fær hér bolamynd með Mark Wahlberg og DJ Khaled. vísir/getty

Mark Cuban, eigandi NBA-liðsins Dallas Mavericks, er í fjölmiðlum í dag eftir að sjö ára gömul ásökun um kynferðislega áreitni komst aftur upp á yfirborðið.

Hin meinta áreitni á að hafa átt sér stað í Portland þar sem Cuban var að fylgjast með sínu liði spila gegn Portland Trailblazers.

Hann hitti konuna á bar í Portland og bað hún um bolamynd af sér með hinum moldríka Cuban. Sú beiðni var auðsótt en er þau stilltu sér upp í myndatökuna þá braut Cuban á henni samkvæmt konunni.

Cuban er sagur hafa sett hönd sína inn á buxur konunnar, þuklað á henni rassinn og síðan þuklað á kynfærum hennar. Konan sýndi lögreglu sjö myndir af atvikinu er hún tilkynnti það á sínum tíma.

Cuban hafnaði ásökunum er lögreglan ræddi við hann vegna málsins. Málinu var svo vísað frá vegna skorts á sönnunargögnum.

NBA


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.