Bílar

Audi frumsýndi nýjan A6

Finnur Thorlacius skrifar
Audi A6 mun bjóðast með 201 hestafls og 2,0 lítra dísilvél og 3,0 lítra V6 dísilvél í bæði 228 og 286 hestafla útgáfum.
Audi A6 mun bjóðast með 201 hestafls og 2,0 lítra dísilvél og 3,0 lítra V6 dísilvél í bæði 228 og 286 hestafla útgáfum.

Audi fylgdi eftir nýjum A8 og A7 bílum með frumsýningu á nýjum Audi A6 og fær hann greinilega talsvert lánað frá ytra útliti A8 bílsins, enda hönnuður bílanna allra hinn nýi hönnuður Audi, Marc Lichte. Það er ekki leiðum að líkjast þar og vakti gripurinn eðlilega mikla athygli. Einna athygliverðast við nýjan Audi A6 er að allar gerðir hans fá svokallað „mild-hybrid“ kerfi sem hjálpar brunavélunum og minnkar eyðslu og mengun.

Audi A6 mun bjóðast með 201 hestafls og 2,0 lítra dísilvél og 3,0 lítra V6 dísilvél í bæði 228 og 286 hestafla útgáfum. Hann verður líka í boði með 335 hestafla og 3,0 lítra V6 bensínvél. Seinna meir mun A6 líka bjóðast með 2,0 lítra bensínvél að sögn Audi manna í Genf. Það eru ekki bara mikil umskipti í vélaframboði því undirvagninn er nýr og gerður að miklu leyti úr áli og bíllinn mun einnig bjóðast á loftpúðafjöðrun. Þá mun hann einnig bjóðast með fjórhjólastýringu sem minnkar snúningshring bílsins um 1,1 metra og eykur stöðugleika hans á miklum hraða. Að innan minnir einnig margt á nýjan Audi A8 og mikið af nýrri tækni í bílnum er frá hinum stærri komið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.