Arsenal með risa sigur á San Síró │ Sjáðu mörkin

Ástrós Ýr Eggertsdóttir skrifar
Arsenal vann sterkan útisigur í fyrri leiknum í einvígi sínu við AC Milan í 16-liða úrslitum Evrópudeildarinnar í kvöld.

Henrikh Mkhitaryan kom gestunum frá Englandi yfir strax á 15. mínútu. Mesut Özil átti þá sendingu inn á Armenann sem skoraði sitt fyrsta mark fyrir Arsenal.

Þjóðverjinn Özil var svo aftur á ferðinni á loka mínútu uppbótartímans í fyrri hálfleik þegar hann átti frábæra sendingu inn á Aaron Ramsey sem náði að komast framhjá Gianluigi Donnarumma í markinu og skora í autt netið.

Heimamenn í Milan náðu ekki að svara fyrir sig þrátt fyrir að eiga 16 skot, en aðeins eitt þeirra rataði á rammann.

Arsenal fer því með mikilvæg útivallarmörk og tveggja stiga forystu aftur til Englands fyrir seinni leikinn.

Bein lýsing

Leikirnir






    Fleiri fréttir

    Sjá meira